வெள்ளிக்கிழமை அம்மன் கோயிலில் படப்பிடிப்பு... ஐஸ்வர்யா ரஜினிகாந்த் சொன்ன சுவாரஸ்யம்!

வெள்ளிக்கிழமையில் அம்மன் கோயிலில் நடந்த படப்பிடிப்பு குறித்து சமூக வலைதளத்தில் பதிவிட்டுள்ளார் இயக்குநர் ஐஸ்வர்யா ரஜினிகாந்த்.

நடிகர் தனுஷ் அவரது மனைவி ஐஸ்வர்யா ரஜினிகாந்த் இருவரும் பரஸ்பரம் மனமொத்து பிரிவதாக கடந்த 2022 ஜனவரி மாதம் அறிவித்தனர்.

இது பிரபலங்கள், ரசிகர்கள் என பலருக்கும் அதிர்ச்சியை ஏற்படுத்தியது.

தனுஷை பிரிந்த ஐஸ்வர்யா சமூக வலைதளங்களில் தனது பெயரை ஐஸ்வர்யா ரஜினிகாந்த் என மாற்றியதோடு, அடிக்கடி படங்களையும் பகிர்ந்து வருகிறார்.

தற்போது கிரிக்கெட்டை மையப்படுத்தி லால் சலாம் என்ற படத்தை இயக்கி வருகிறார். விஷ்ணு விஷால், விக்ராந்த் முன்னணி கதாபாத்திரங்களில் நடிக்கும் இப்படத்தில், ரஜினி சிறப்புத்தோற்றத்தில் நடிக்கிறார்.

இந்நிலையில் தற்போது லால் சலாம் படத்தின் படப்பிடிப்பு தள படங்களை பதிவிட்டு, ”வெள்ளிக்கிழமையில் ஒரு பழமையான அம்மன் கோவிலில் படப்பிடிப்பு ... இதை தற்செயல் என்றும் சொல்லலாம் அல்லது சில சமயங்களில் கடவுள் தனது குழந்தையுடன் தொடர்புகொள்வதற்கான இனிமையான வழி என்றும் நான் நம்புகிறேன்” எனக் குறிப்பிட்டுள்ளார்.

கடவுள் பக்தி மிகுந்த ஐஸ்வர்யா, அடிக்கடி கோயில்களுக்கு செல்வதை வழக்கமாக வைத்திருக்கிறார்.