இந்தியாவில் மிக அதிக சம்பளம் வாங்கிய டாப் 3 நடிகர்களில் ரஜினி, அமிதாப்புடன் நானும் இருந்தேன் - விஜயசாந்தி

அந்த காலத்தில் இந்தியாவில் மிக அதிக சம்பளம் வாங்கிய டாப் 3 நடிகர்களில் , அமிதாப்பச்சனுடன் நானும் இருந்தேன் என்று நடிகை விஜயசாந்தி தெரிவித்துள்ளார்.

நடிகை விஜய்சாந்தி தமிழ் சினிமாவில் ‘கல்லுக்குள் ஈரம்’ படம் மூலம் தமிழில் அறிமுகமானார்.

தொடர்ந்து ராஜாங்கம், நெற்றிக்கண், நெஞ்சிலே துணிவிருந்தால், சிவப்பு மல்லி, இளஞ்ஜோடிகள், மன்னன் உள்பட பல படங்களில் நடித்து இருக்கிறார்.

நடிகை விஜயசாந்தி அன்று முதல் இன்று வரை பல முன்னணி நடிகர்களுடன் இணைந்து பணியாற்றியுள்ளார். இவர் நடித்த திரைப்படங்களில் இவருக்கென ஒரு ஆக்‌ஷன் காட்சி நிச்சயமாக இடம்பெறும்.

மேலும் விஜயசாந்தியை முன்னணியாக வைத்து தமிழ் உட்பட பல மொழிகளில் ஆக்‌ஷன் படங்கள் வெளியாகியுள்ளது.

இந்நிலையில் நடிகை விஜயசாந்தி சமீபத்தில் பேட்டி ஒன்றை அளித்துள்ளார். அதில் ''நான் அனைத்து மொழிகளிலும் சுமார் 180 படங்களில் நடித்து இருக்கிறேன். கதாநாயகிக்கு முக்கியத்துவம் அளிக்கும் படங்களில் நடிக்கவே எனக்கு பிடிக்கும் என்றும் அவர் தெரிவித்துள்ளார்.

மேலும், சினிமாவில் நான் வாங்கிய முதல் சம்பளம் 5,000 ரூபாய். ஆனால் படம் முடிந்ததும் என்னை ஏமாற்றி ரூ.3,000 மட்டுமே கொடுத்தார்கள்.

ரூ.3,000 சம்பளத்தில் ஆரம்பித்த எனது சினிமா வாழ்க்கையில் கோடி ரூபாய் சம்பளம் வாங்கும் அளவிற்கு உயர்ந்தது.

அந்த காலத்தில் இந்தியாவில் மிக அதிக சம்பளம் வாங்கிய டாப் 3 நடிகர்களில் ரஜினிகாந்த், அமிதாப்பச்சனுடன் நானும் இருந்தேன். இதை பெருமையாகவே சொல்லிக் கொள்கிறேன் என்றும் விஜயசாந்தி தெரிவித்துள்ளார்.