அட.. இது நம்ம த்ரிஷாவா? பொன்னியின் செல்வன் குந்தவையின் க்யூட் போட்டோஸ்!

தமிழ் சினிமாவின் எவர் கிரீன் நாயகி த்ரிஷா தனது 40-வது பிறந்த நாளை கொண்டாடும் இன்று அவரது சிறுவயது புகைப்படங்கள் இணையத்தில் வைரலாகி வருகின்றது.

'மௌனம் பேசியதே' படத்தின் மூலம் தமிழ் சினிமாவில் நாயகியாக அறிமுகமான த்ரிஷாவின் மார்க்கெட் இன்னும் குறையாமல் இறங்காமல் அப்படியே இருக்கின்றது.

இவர் முன்னதாக 1999-ல் வெளியான ‘ஜோடி’ திரைப்படத்தில் சிம்ரனின் தோழியாக ஒரு சிறிய கதாப்பாத்திரத்தில் நடித்திருந்தார்.

த்ரிஷாவை சினிமா ரசிகர்களுக்கு அறிமுகப்படுத்தியது அமீரின் ‘மெளனம் பேசியதே’ திரைப்படமும் ப்ரியதர்ஷனின் ‘லேசா லேசா’ திரைப்படமும் தான்.

‘லேசா லேசா’ திரைப்படத்தில் த்ரிஷாவின் அழகில் மயங்கிய தமிழ் சினிமா ‘நீ இல்லாமல் வாழ்வது லேசா’ என புலம்பி தள்ளியது.

தனது முதல் திரைப்படத்திலேயே வசீகரமான தோற்றம் மற்றும் எளிமையான நடிப்பில் மூலம் ரசிகர்களைக் கவர்ந்திழுத்த இவருக்குப் படிப்படியாக பல வெற்றிப்படங்களில் நடிக்க வாய்ப்புகள் குவிந்தன.

அந்த வகையில் நடிகை த்ரிஷாவிற்கு சாமி, கில்லி, விண்ணைத் தாண்டி வருவாயா, 96 போன்ற திரைப்படங்கள் ஒரு பெரிய திருப்புமுனையாக அமைந்தன. இதனால் சாமி மாமி, ஜெஸ்ஸி, ஜானு எனப் பல கதாபாத்திரங்களை ரசிகர்களைக் கொண்டாடி தீர்த்தனர்.

கல்கி எழுதிய 'பொன்னியின் செல்வன்' நாவலில் படிப்போர் அனைவரையும் காதல் கொள்ள செய்த ஒரு கதாபாத்திரம் குந்தவை, காரணம் குந்தவையின் அழகும், அறிவும். இக்கதை திரைப்படமாக மணிரத்தினம் இயக்கத்தில் வெளியான போது அந்த அழகுக்கும், அறிவுக்கும் உருவம் கொடுத்தது பேரழகி த்ரிஷாவே.

'பொன்னியின் செல்வன்' நாவலை படித்து குந்தவையின் உருவத்தை கனவில் சுமந்தோருக்கு குந்தவை இப்படி ஒரு பேரழகியா என சொல்ல வைத்ததும் இந்த குட்டி நிலவே.

இந்நிலையில் த்ரிஷாவின் பிறந்த நாளான இன்று அவரது சிறு வயது புகைப்படங்கள் இணயத்தில் வெளியாக ரசிகர்கள் கொண்டாடி வருகின்றனர்.