எனக்கு பிடித்த நபர்களுடன் நடிப்பதில் மகிழ்ச்சி - விஜய் 67 குறித்து மகிழ்ச்சி தெரிவித்த த்ரிஷா!

தளபதி 67 திரைப்படத்தில் தனக்கு பிடித்த நபர்களுடன் நடிப்பதில் மகிழ்ச்சி என நடிகை த்ரிஷா கூறியுள்ளார்.

லோகேஷ் கனகராஜ் இயக்கத்தில் விஜய் நடிக்கும் புதிய திரைப்படத்தின் இரண்டாம் கட்ட படப்பிடிப்பு இன்று காஷ்மீரில் தொடங்கியுள்ளது.

இதற்காக படக்குழுவினர் அனைவரும் தனி விமான மூலமாக நேற்று சென்னையில் இருந்து ஸ்ரீநகர் சென்றனர்.

இந்த நிலையில் படத்தின் அதிகாரப்பூர்வ அறிவிப்பை வெளியிட்ட தயாரிப்பு நிறுவனம் தற்போது படத்தில் நடிக்கும் நடிகர்கள் பட்டியலை வெளியிட்டு வருகிறது.

அந்த வகையில் நேற்று சஞ்சய் தத், கௌதம் வாசுதேவ் மேனன், மிஷ்கின், பிரியா ஆனந்த், அர்ஜுன், சாண்டி உள்ளிட்டோரின் அறிவிப்பை வெளியிட்டது.

இந்த நிலையில் தற்போது நடிகை த்ரிஷா, தளபதி 67 படத்தில் நடிக்கிறார் என்பதை அதிகாரப்பூர்வமாக அறிவித்திருக்கிறது.

மேலும் இந்தப் படம் குறித்து த்ரிஷா கூறுகையில், எனக்கு பிடித்த சில நபர்கள் மற்றும் திறமையான குழுவுடன் முக்கியமான திரைப்படத்தில் பணியாற்றுவதில் மகிழ்ச்சி என தெரிவித்துள்ளார்.

நடிகர் விஜய்யுடன் கில்லி, திருப்பாச்சி, ஆதி, குருவி ஆகிய படங்களில் திரிஷா இணைந்து நடித்துள்ளார்.

அந்தப் படங்களை தொடர்ந்து தற்போது மீண்டும் நடிகர் விஜய்யுடன் திரிஷா இணைந்துள்ளார் என்பது குறிப்பிடத்தக்கது.