காஷ்மீர் குளிரில் லியோ ஷூட்டிங்.. காதலர் தினம் ஸ்பெஷலாக த்ரிஷா ஷேர் செய்த போட்டோ!

நடிகர் விஜய்யின் 67-வது படமான தளபதி 67 படத்தில் ஹீரோயினாக த்ரிஷா நடிப்பதாக அறிவிக்கப்பட்டுள்ளது. தமிழ் சினிமாவில் ஹிட் காம்போ என இவர்களை சொல்லலாம். இந்த ஜோடிக்கு ரசிகர்கள் மத்தியில் ஏகபோக வரவேற்பு இருப்பதும் மறுக்க முடியாத உண்மை.

லோகேஷ் கனகராஜ் இயக்கத்தில் விஜய் நடிக்கும் புதிய திரைப்படத்தின் இரண்டாம் கட்ட படப்பிடிப்பு கடந்த 1-ம் தேதி காஷ்மீரில் தொடங்கியது. செவன் ஸ்கிரீன் ஸ்டுடியோ நிறுவனம் தயாரிப்பில் இந்த படம் உருவாகி வருகிறது.

இந்த படத்தில் விஜய்க்கு ஜோடியாக நடிகை த்ரிஷா நடிக்கிறார். இவர்களுடன் நடிகர் மன்சூர் அலிகான், இயக்குநர் மிஷ்கின், நடன இயக்குநர் சாண்டி, நடிகை ப்ரியா ஆனந்த், நடிகர் அர்ஜுன், இயக்குநர் கவுதம் வாசுதேவ் மேனன், மலையாள சினிமா நடிகர் மேத்யூ தாமஸ், சஞ்சய் தத் ஆகியோர் நடிக்கின்றனர்.

இசையமைப்பாளர் அனிருத் இந்தப்படத்திற்கு இசையமைக்க படத்தின் வசனங்களை இயக்குனர் லோகேஷ் கனகராஜ், இயக்குனர் ரத்னகுமார் மற்றும் தீரஜ் வைத்தி ஆகியோர் இணைந்து எழுதியுள்ளனர்.

நடிகர் விஜய்யுடன் கில்லி, திருப்பாச்சி, ஆதி, குருவி ஆகிய படங்களில் த்ரிஷா இணைந்து நடித்துள்ளார். அந்தப் படங்களை தொடர்ந்து தற்போது மீண்டும் நடிகர் விஜய்யுடன் திரிஷா இணைந்துள்ளார் என்பது குறிப்பிடத்தக்கது.

இந்நிலையில், நடிகை த்ரிஷா தமது இன்ஸ்டாகிராம் பக்கத்தில் லியோ படத்தின் படப்பிடிப்பு தளத்தில் தனது குழுவினருடன் எடுத்த புகைப்படங்களை பகிர்ந்துள்ளார். த்ரிஷாவின் ஸ்டைலிஸ்ட் மாலினி கார்த்திகேயன், ஹேர் ஸ்டைலிஸ்ட் ரோகிணி ஆகியோரும் இந்த புகைப்படத்தில் உள்ளனர். புகைப்படத்தை பகிர்ந்த த்ரிஷா காதலர் தினத்தை முன்னிட்டு இவ்வாறு உடை அணிந்துள்ளோம் என்றும் தெரிவித்திருந்தார்.