இந்தோ வெஸ்டர்ன் லுக்கில் 80’ஸ் நடிகை சீதா... எக்ஸ்க்ளுஸிவ் படங்கள்!

நடிகை சீதாவின் அட்டகாச படங்கள் ரசிகர்களை கவரும் விதத்தில் அமைந்துள்ளன.

1985-ம் ஆண்டு வெளியான ஆண் பாவம் படத்தின் மூலம் தமிழ் சினிமாவுக்கு அறிமுகமானவர் நடிகை சீதா.

தொடர்ந்து கமல் ஹாசன், பார்த்திபன், அர்ஜுன் உள்ளிட்டவர்களுடன் நடித்தார்.

பின்னர் 1990-ல் இயக்குநரும், நடிகருமான பார்த்திபனை திருமணம் செய்துக் கொண்டார்.

திருமணத்துக்குப் பிறகு சினிமாவில் இருந்து பிரேக் எடுத்தார்.

பின்னர், 2001-ல் பார்த்திபன் - சீதா தம்பதி விவாகரத்து பெற்றது.

பின்னர் மீண்டும் சினிமாவில் நடிக்கத் தொடங்கினார் சீதா.

இந்நிலையில் தற்போது புது விதமான ஃபோட்டோஷூட் ஒன்றை நடத்தியுள்ளார் சீதா.

காஸ்ட்யூம் டிசைனர் சத்யா என்.ஜே இதற்கான கான்செப்ட்டை வடிவமைத்திருக்கிறார்.

சீதாவின் ஃபோட்டோஷூட் குறித்து நம்மிடம் பேசிய அவர், “இது 2020-ல் பிளான் செய்யப்பட்ட ஷூட்.

ஆனால் அப்போது கொரோனா உச்சத்தில் இருந்ததால், சீதா மேடம் இப்போது வேண்டாம் என்றார்.

உடைகள் எல்லாமே அப்போது ட்ரையல் பார்த்தது தான். ஆனால் அப்போது நாங்கள் பேண்ட் - கோட் என வெஸ்டர்ன் லுக் தான் பிளான் பண்ணியிருந்தோம்.

ஆனால் இப்போது அதை கொஞ்சம் மாற்றியிருக்கிறோம். ஒயிட் ஜீன்ஸ், லாங் பிளவுஸுடன், சேலை சேர்த்து ஒரு இந்தோ - வெஸ்டர்ன் லுக் ட்ரை பண்ணினோம்.

கூடவே கோட் சேர்த்துக் கொண்டோம். இன்னொரு லுக்கும் இருக்கிறது. அதை விரைவில் வெளியிடுகிறோம்” என்றார்.

சீதாவின் இந்த தோற்றம் ரசிகர்களிடம் வரவேற்பைப் பெற்று வருகிறது.