விஜய் சேதுபதி படத்திலிருந்து திடீரென விலகிய நடிகை

விஜய் சேதுபதி படத்திலிருந்து நடிகை ஒருவர் விலகியுள்ளார்.

டெல்லி பிரசாத் தீனதயாளன் இயக்கத்தில் விஜய் சேதுபதி, பார்த்திபன், பக்ஸ் பெருமாள் உள்ளிட்டோர் நடிப்பில் உருவாகி வரும் படம் ‘துக்ளக் தர்பார்’.

அரசியலை மையப்படுத்தி உருவாகும் ‘துக்ளக் தர்பார்’ படத்தில் விஜய் சேதுபதிக்கு ஜோடியாக நடிக்க நடிகை அதிதி ராவ் ஒப்பந்தம் செய்யப்பட்டார்.

இந்நிலையில் விஜய் சேதுபதி படத்திலிருந்து நடிகை அதிதி ராவ் விலகியுள்ளார். அவருக்குப் பதிலாக ராஷி கண்ணா ஒப்பந்தம் செய்யப்பட்டுள்ளதாக படக்குழு அறிவித்துள்ளது. இவர் ஏற்கெனவே ‘சங்கத்தமிழன்’ படத்தில் விஜய் சேதுபதிக்கு ஜோடியாக நடித்திருந்தார்.

கொரோனா லாக்டவுன் காரணமாக ஏற்பட்ட கால்ஷீட் பிரச்னையால் அதிதி ராவ் ‘துக்ளக் தர்பார்’ படத்திலிருந்து விலகியதாக கூறப்படுகிறது.