‘இவரை தான் திருமணம் செய்துக்கொள்ள போகிறேன்’ - இன்ஸ்டாகிராமில் அறிமுகப்படுத்திய நடிகை பூர்ணா

நடிகை பூர்ணா தமிழ், மலையாளம், கன்னடா, தெலுங்கு என அனைத்து மொழிகளிலும் நடித்துள்ளார். தமிழில் பரத் நடிப்பில் வெளியான முனியாண்டி விலங்கியல் மூன்றாமாண்டு திரைப்படம் மூலம் அறிமுகமானார்.

பூர்ணா தொடர்ந்து கொடைக்கானல், கந்தக்கோட்டை, துரோகி, ஆடுபுலி ஆகிய படங்களில் நடித்தார். படங்கள் மட்டுமில்லாமல் வெப் சீரிஸ்களிலும் நடித்துள்ளார். நெட்ஃபிளிக்ஸில் வெளியான ‘நவரசா’ சீரிஸில் நடித்திருந்தார். தற்போது ஜீ5-ல் வெளியாகிவுள்ள அனந்தம் வெப் சீரிஸிலும் நடித்திருக்கிறார்.

கங்கனா ரனாவத் நடிப்பில் வெளியான தலைவி படத்தில் பூர்ணா சசிகலா என்ற கதாபாத்திரத்தில் நடித்திருந்தார். இந்த படத்தின் மூலம் ஹிந்தியிலும் அறிமுகமானார்.

நடிகை பூர்ணாவின் நிஜப்பெயர் ஷம்னா கசீம். இவர் சினிமாவுக்காக பூர்ணா என்ற பெயரை வைத்துக்கொண்டார். நடிகை பூர்ணாவுக்கு இன்ஸ்டாகிராமில் 1 மில்லியன் ஃபாலோவர்ஸ் உள்ளனர்.அடிக்கடி இன்ஸ்டாகிராமில் தனது புகைப்படங்களை பகிர்வார்.

இந்நிலையில் தான் திருமணம் செய்துக்கொள்ள இருக்கும் நபரை இன்ஸ்டாகிராமில் அறிமுகப்படுத்தியுள்ளார் பூர்ணா.

’பெற்றோர்களின் ஆசிர்வாதத்துடன் என் வாழ்க்கையின் அடுத்தக்கட்டத்திற்கு செல்கிறேன்’ என்று புகைப்படத்திற்கு கீழே குறிப்பிட்டுள்ளார்.