திருமணமாகி மூன்றே ஆண்டுகள்... கணவரை பிரியும் பிரபல நடிகை?

நடிகை நிஹாரிகாவும் அவரது கணவர் சைத்தன்யாவும் இன்ஸ்டகிராமில் ஒருவரையொருவர் அன் ஃபாலோ செய்ததால், அவர்கள் பிரிந்திருக்கக் கூடும் என தெலுங்கு மீடியாக்கள் செய்தி வெளியிட்டுள்ளன.

நடிகை நிஹாரிகா கொனிடேலா தனது காதலர் சைதன்யா ஜொன்னலக்டாவை டிசம்பர் 2020-ல் உதய்பூரில் மணந்தார்.

ஆனால் கடந்த சில மாதங்களாக அவர்களது திருமண வாழ்க்கையில் புயல் வீசுவதாக செய்திகள் வெளிவந்த வண்ணம் இருந்தன.

தற்போது அவர்கள் இருவரும் ஒருவரையொருவர் இன்ஸ்டகிராமில் அன்ஃபாலோ செய்திருப்பதால், இந்த இளம் தம்பதி பிரிந்திருக்கக் கூடும் என்கின்றன தெலுங்கு ஊடகங்கள்.

இது குறித்து அதிகாரப்பூர்வ தகவல் எதுவும் வெளியாகாத நிலையில், நிஹாரிகா - சைத்தன்யாவின் தனிப்பட்ட வாழ்க்கை குறித்து தெரிந்துக் கொள்ள ஆர்வத்துடன் இருக்கிறார்கள்.

சிரஞ்சீவியின் சகோதரர் நாகபாபுவின் மகள் தான் நிஹாரிகா. தமிழில் விஜய் சேதுபதி நடித்திருந்த ஒரு நல்ல நாள் பார்த்து சொல்றேன் படத்தில், கெளதம் கார்த்திக்கு ஜோடியாக நடித்திருந்தார்.

சைதன்யா ஜொன்னலகெடா ஒரு தொழில்நுட்ப வல்லுநர், ஹைதராபாத்தில் பிறந்து வளர்ந்த இவர், குண்டூர் ஐ.ஜி எம்.பிரபாகர ராவின் மகன். ஐதராபாத்தில் பன்னாட்டு நிறுவனம் ஒன்றில் பிஸினெஸ் ஆலோசகராக பணிபுரிந்து வருகிறார்.