இரண்டாவது திருமணமா? - நடிகை மீனா ஓபன் டாக்!

இரண்டாவது திருமணம் குறித்த கேள்விக்கு முதன்முறையாக மனம் திறந்து பேசியுள்ளார் நடிகை மீனா.

தமிழ், தெலுங்கு, மலையாள படங்களில் நடித்து பிரபலமானவர் நடிகை மீனா. அவர் கடைசியாக ரஜினிகாந்த் நடித்த 'அண்ணாத்த' படத்தில் நடித்திருந்தார்.

ஜூன் 2009-ல் வித்யாசாகர் என்ற சாஃப்ட்வேர் இன்ஜினியரை மணந்தார் மீனா.

இந்த தம்பதிக்கு நைனிகா என்ற மகள் உள்ளார்.

விஜய் நடித்த தெறி படத்தின் மூலம் குழந்தை நட்சத்திரமாக அறிமுகமானார் நைனிகா.

மார்ச் 2022-ன் இறுதியில், மீனாவின் கணவருக்கு நுரையீரல் தொற்று ஏற்பட்டது. பின்னர் அவர் மருத்துவமனையில் சிகிச்சைக்காக அனுமதிக்கப்பட்டார். இருப்பினும் சிகிச்சை பலனின்றி கடந்த வருடம் ஜூன் மாதம் மரணமடைந்தார்.

கணவர் இறந்து சில மாதங்கள் ஆன நிலையில், மீனா இரண்டாவது திருமணத்திற்கு தயாராகி வருவதாக வதந்திகள் வெளிவந்த வண்ணம் இருந்தன.

இதுகுறித்து மீனா கலந்துக் கொண்ட சமீபத்திய நேர்க்காணலில் கேட்கப்பட்டது. அதற்கு, ”என்னுடைய கணவர் இல்லை என்பதை என்னால் இன்னும் நம்ப முடியவில்லை. அதற்குள் எப்படி இது போன்ற வதந்திகள் வெளியாகிறது என்பதை என்னால் புரிந்து கொள்ள முடியவில்லை.

தற்போதைக்கு நல்ல கதைகள் அமைந்தால் திரைப்படங்களில் நடிப்பதில் கவனம் செலுத்துவேன். அதேபோல் என் மகளுக்கு நல்ல எதிர்காலத்தை அமைத்து தருவேன், இதுதான் எனக்கு முக்கியம்” எனத் தெரிவித்துள்ளார்.