Manju Warrier: 44 வயதில் இளசுகளுக்கே டஃப் கொடுக்கும் மஞ்சு வாரியர்!

ஓணம் பண்டிகையை முன்னிட்டு நடிகை மஞ்சு வாரியர் வெளியிட்ட புகைப்படம் நெட்டிசன்களிடம் லைக்குகளைக் குவித்து வருகிறது.

மலையாள சினிமாவில் முன்னணி நடிகையாக இருந்தவர் நடிகை மஞ்சு வாரியர்.

நாகர்கோவிலில் பிறந்த இவர், மலையாள திரையுலகில் நுழைந்த 3 ஆண்டுகளில் 20 படங்களில் நடித்தார்.

அவரது முதல் படமே பெரிய அளவில் வெற்றி பெற்றதை அடுத்து மளமளவென படவாய்ப்புகள் குவிந்து உச்சத்திற்கு சென்றார்.

பின்னர் நடிகர் திலீப்பை திருமணம் செய்துக் கொண்டு, திரையுலகில் இருந்து விலகியிருந்த மஞ்சு வாரியர் அவருடன் விவாகரத்தான பிறகு 14 ஆண்டுகள் கழித்து மீண்டும் சினிமாவில் ரீ எண்ட்ரியானார்.

தற்போது பல படங்களில் பிஸியாக நடித்துக் கொண்டிருக்கிறார்.

நடிகர் அஜித் குமாரின் ஏகே61 படத்தில் முக்கிய கதாபாத்திரத்தில் நடித்து வருகிறார்.

சில நாட்களுக்கு முன்பு அஜித்துடன் பைக் ரைட் சென்றிருந்த மஞ்சு வாரியரின் படங்கள் இணையத்தில் வைரலாகின.

அந்த புகைப்படங்களை ட்விட்டரில் பகிர்ந்த மஞ்சு, அஜித்தை "சூப்பர் ஸ்டார் ரைடர்" என்று குறிப்பிட்டிருந்தார்.

அஜித் படம் தவிர, கரதம், வெள்ளரிப்பட்டணம், ஆயிஷா ஆகியப் படங்களை கைவசம் வைத்துள்ளார்.

நேற்று கேரள மக்களின் முக்கிய பண்டிகையான ஓணம் கொண்டாடப்பட்டது.

இதையடுத்து மஞ்சு வாரியர் வெளியிட்ட ஓணம் ஸ்பெஷல் புகைப்படம் லைக்ஸை குவித்து வருகிறது.

இதற்கிடையே நாளை தனது 44-வது பிறந்தநாளைக் கொண்டாடுகிறார் மஞ்சு வாரியர்.

ஆனால், கொஞ்சம் கூட வயதே தெரியவில்லையே என ஆச்சர்யப்படுகிறார்கள் ரசிகர்கள்.