திருட்டுப் பயலே மாளவிகா இப்போது என்ன செய்கிறார் தெரியுமா?

திருட்டுப் பயலே படத்தில் நடித்த மாளவிகா என்றால் தான் தமிழ்நாட்டில் பலருக்கும் மாளிவிகாவை அடையாளம் தெரிகிறது. மாளவிகா என்ற பெயரில் நிறைய பேர் நடிக்க வந்தது ஒரு காரணம். 2007 இல் மாளவிகா திருமணம் செய்து கொண்டபின் படங்களை தவிர்த்தது இன்னொரு காரணம்.

மாளவிகாவின் சொந்தப் பெயர் ஸ்வேதா கண்ணூர் மேனன். பிறந்தது பெங்களூருவில். சுந்தர் சி. தனது உன்னைத் தேடி படத்தில் அறிமுகப்படுத்தினார். முதல் படமே அஜித்துடன். தில்வாலே துல்கனியா லே ஜாயேங்கே பாதிப்பில் இந்தப் படத்தை சுந்தர் சி. இயக்கியிருந்தார்.

தொடர்ச்சியாக மாளவிகா படங்களில் நடித்தார். அஜித்துடன் நடித்த இன்னொரு படம் ஆனந்த பூங்காற்றே அவருக்கு நல்ல பெயர் வாங்கித்தந்தது.

மாளவிகாவை தனித்து அடையாளம் காட்டியது என்றால் அது இரண்டு பாடல் காட்சிகள். முதலாவது வெற்றிக் கொடிக்கட்டு படத்தில் இடம்பெற்ற கருப்புதான் எனக்குப் பிடிச்ச கலரு. அதுவரை நடித்தப் படங்கள் தராத புகழை இந்தப் பாடல் அவருக்கு கொடுத்தது.

மாளவிகா தமிழ், தெலுங்கு, மலையாளம், இந்திப் படங்களில் நடித்தார். ராம் கோபால் வர்மாவின் டர்னா மானா ஹேய் இந்திப் படம் அவற்றில் முக்கியமானது. ரேவதி, சமீரா ரெட்டி, விவேக் ஓபராய், நானா படேகர் ஆகியோரும் இதில் நடித்திருந்தனர். மாளவிகா நடித்த இன்னொரு முக்கியமான படம் ரஜினியின் சந்திரமுகி. ஆனால், நயன்தாரா, ஜோதிகா என்ற போட்டியாளர்கள் மத்தியில் மாளவிகா காணாமல் போனார்.

மிஷ்கினின் முதல் படம் சித்திரம் பேசுதடியில் மாளவிகா ஆடிய வாள மீன் பாடல் எவர்கிரீன் ஹிட்டாக இப்போதும் உள்ளது. கருப்புதான் எனக்குப் பிடிச்ச கலருக்குப் பிறகு மாளவிகாவுக்கு பெயர் வாங்கித் தந்த பாடல் இது.

இந்தியில் மாளவிகா நடித்த சி யூ  அட் 9 படம் பரபரப்பை கிளப்பியது. இதில் படுகவர்ச்சியாக படுக்கையறை காட்சியில் நடித்திருந்தார். உடன் நடித்தவர் இத்தாலியைச் சேர்ந்த ரோமியோ என்ற நடிகர்.

சுசி.கணேசனின் திருட்டுப் பயலே படத்தில் கணவருக்கு துரோகம் செய்யும் மனைவி வேடத்தில் நடித்தார். மாளவிகாவின் சிறந்த படங்களில் இதுவும் ஒன்று. கவர்ச்சியான நடிப்பில் கலக்கியிருந்தார்.

2007 இல் மாளவிகா உமேஷ் மேனன் என்பவரை திருமணம் செய்தார். அதன் பிறகு அவர் அதிக படங்களில் நடிக்கவில்லை. மாளவிகா - உமேஷ் தம்பதிகளுக்கு இப்போது இரு குழந்தைகள் இருக்கிறார்கள்.

சினிமாவை துறந்து முழுமையான குடும்பப் பெண்ணாக மாறிய பிறகு அவ்வப்போது தனது படங்களை சமூகவலைத்தளத்தில் பகிர்ந்து வந்தார் மாளவிகா. அவர் மீண்டும் நடிக்க வருவார் என்பதை இந்தப் படங்கள் உணர்த்தின.

ஒருகாலத்தில் கனவுக்கன்னியாக இருந்தவர் இப்போது அண்ணி கதாபாத்திரத்தில் நடிக்கக் கூடியவராக மாறியிருக்கிறார்.

மாளவிகாவை உன்னைத் தேடி படத்தில் அறிமுகப்படுத்திய சுந்தர் சி.யே அவரது இரண்டாவது இன்னிங்ஸையும் தொடங்கி வைக்கிறார்.

சுந்தர் சி. இயக்கிவரும் கோல்மால் படத்தில் ஜெய், ஸ்ரீகாந்த், ஜீவாவுடன் மாளவிகாவும் நடிக்கிறார். இதில் ஏற்கனவே மூன்று நாயகிகள் இருக்கிறார்கள். மாளவிகாவுக்கு முக்கியமான வேடம் தரப்பட்டுள்ளதாம்.

கோல்மால் வந்தால் நிறைய அண்ணி, அக்கா வேடங்கள் மாளவிகாவுக்கு கிடைக்கலாம்.

நடிகை மாளவிகா படங்கள்

நடிகை மாளவிகா படங்கள்

நடிகை மாளவிகா படங்கள்

நடிகை மாளவிகா குடும்ப படம்

நடிகை மாளவிகாவின் உன்னைத்தேடி