கல்யாணம் எப்போ..? மனம் திறந்த கீர்த்தி சுரேஷ்

தமிழில் இது என்ன மாயம் திரைப்படத்தின் மூலம் அறிமுகமாகி.. முருகன், ரெமோ, தொடரி, பைரவா என பல படங்களில் முண்ணனி ஹீரோக்களுடன் கீர்த்தி சுரேஷ் நடித்துள்ளார்.

மேலும் இவர் நடித்த நடிகையர் திலகம் திரைப்படத்தில் சாவித்திரியாகவே வாழ்ந்திருப்பார். அந்த கதாப்பாத்திரத்திற்கு அவருக்கு தேசிய விருது வழங்கப்பட்டு கௌரவிக்கப் பட்டது.

இவர் தமிழில் மட்டுமல்லாது மலையாளம் தெலுங்கு என அனைத்திலுமே முன்னனி நாயகியாக உயர்ந்துள்ளார்.

கீர்த்தி சுரேஷ் நடிப்பில் சமீபத்தில் தமிழ், தெலுங்கு, இந்தி மொழிகளில் தசரா படம் வெளியானது. இந்த படத்தில் கீர்த்தி சுரேஷ் நடிப்புக்கு பாராட்டுகள் கிடைத்தன.

பிரலபங்கள் தங்கள் சமூக வலைதளங்கள் மூலமாக ரசிகர்களுடன் உரையாடுவது வாடிக்கைதான். ட்விட்டரில் பிரத்யேக ஹேஷ்டேக் மூலம் கேள்வியெழுப்பி, பிரபலங்கள் பதில் சொல்வது, இன்ஸ்டாவில் கேள்வி - பதில் பகுதி மூலம் உரையாடுவது, லைவ் மூலம் உரையாடுவது என பல வசதிகளும் இன்றைய காலகட்டத்தில் அதிகரித்துவிட்டது.

அந்த வகையில், நடிகை கீர்த்தி சுரேஷ் தனது இன்ஸ்டாகிராம் ஸ்டோரியில், அவரிடம் கேள்வி கேட்கலாம் என குறிப்பிட்டிருந்தார். இதில், பலரும் கீர்த்தி சுரேஷிடம் பல்வேறு சுவாரஸ்யமான கேள்விகளை எழுப்பி பதிலையும் பெற்றனர்.

ரசிகர் ஒருவர் நீங்கள் ஒருவரை காதலிக்கிறீர்களாமே திருமணம் எப்போது என்று கேட்டார்.

அதற்கு "நல்ல மாப்பிள்ளை கிடைத்ததும் நிச்சயமாக திருமணம் செய்து கொள்வேன். அதை முன்னதாகவே எல்லோருக்கும் தெரிவிப்பேன் என்றார்.