இவங்க ரஜினிக்கு தங்கையா? - 34 ஆண்டுகளுக்கு பிறகு தமிழில் ரீ என்ட்ரி கொடுக்கும் நடிகை!

ஜெயிலர் படத்தின் இறுதிகட்டப் படப்பிடிப்பு பணிகள் விறுவிறுப்பாக நடைபெற்றுவரும் நிலையில் நடிகர் அடுத்ததாக நடிக்கவிருக்கும் தலைவர் 170 படம் இன்று அறிவிக்கப்பட்டது.

ஜெய் பீம் பட இயக்குநர் டிஜே ஞானவேல் இந்தப் படத்தை இயக்குகிறார். லைக்கா புரொடக்சன்ஸ் தயாரிக்கும் இந்தப் படத்துக்கு அனிருத் இசையமைக்கிறார்.

மேலும் லைக்கா புரொடக்சன்ஸ் தயாரிக்கும் மற்றொரு படமான லால் சலாம் படத்திலும் சிறப்பு தோற்றத்தில் நடிகர் ரஜினிகாந்த் நடிக்கிறார்.

விஷ்ணு விஷால் - விக்ராந்த் ஆகிய இருவரும் முதன்மை வேடங்களில் நடிக்கின்றனர்.

3, வை ராஜா வை படங்களை இயக்கிய ரஜினியின் மூத்த மகள் ஐஸ்வர்யா இந்தப் படத்தை இயக்குகிறார்.

இந்த நிலையில் இந்தப் படத்தில் ரஜினிகாந்த்தின் தங்கையாக நடிகை ஜீவிதா நடிக்கவிருக்கிறாராம். தமிழில் 1988 ஆம் ஆண்டு வெளியான வளைகாப்பு என்ற படத்தில் நடித்திருந்த ஜீவிதா கிட்டத்தட்ட 34 ஆண்டுகளுக்கு பிறகு ரஜினிகாந்த்தின் லால் சலாம் படம் மூலம் ரீ எண்ட்ரி கொடுக்கிறார்.

பிரபல தெலுங்கு நடிகர் டாக்டர் ராஜசேகரை காதலித்து திருமணம் செய்துகொண்டார் ஜீவிதா. இவர்களுக்கு ஷிவானி, ஷிவாத்மிகா என இரண்டு மகள்கள். இதில் ஷிவானி அன்பறிவு, நெஞ்சுக்கு நீதி படங்களில் நடித்திருந்த நிலையில் ஷிவாத்மிகா நித்தம் ஒரு வானம் படத்தில் கதாநாயகியாக நடித்துள்ளார்.