எல்லாத்துக்கும் ஒரு எல்லை இருக்கு... லீக்கான போட்டோஸ் - கடுப்பில் ஆலியா பட்..!

தனது வீட்டிற்குள் இருந்த போது தன்னை புகைப்படம் எடுத்த இரண்டு பேர் மீது பிரபல பாலிவுட் நடிகை ஆலியா பட் புகார் அளித்து உள்ளார்.

பாலிவுட்டில் பிரபலமான நடிகை ஆலியா பட் 2012-ம் ஆண்டு கரண் ஜோகர் இயக்கத்தில் வெளியான  ஸ்டூடண்ட் ஆஃப் த இயர் என்ற படத்தின் மூலம் நாயகியாக அறிமுகமானார்.

பல்வேறு கதாப்பாத்திரங்கள் மூலம் தனது சிறப்பான நடிப்பை வெளிப்படுத்தி தனக்கான ரசிகர் பட்டாளத்தை உருவாக்கினார் நடிகை ஆலியா பட்.

இந்நிலையில் பாலிவுட் நடிகை ஆலியா பட்டும், நடிகர் ரன்பீர் கபூரும் நீண்ட நாட்கள் காதலித்து வந்த நிலையில் கடந்த ஆண்டு ஏப்ரல் 14-ம் தேதி பெற்றோர்கள் முன்னிலையில் திருமணம் செய்துக்கொண்டுள்ளனர்.

2017 ஆம் ஆண்டு ‘பிரம்மாஸ்த்திரா’ படத்திற்காக இணைந்த ரன்பீர் கபூரும், ஆலியாவும் காதலிக்க தொடங்கினர். இருவரும் விருது வழங்கும் விழா ஒன்றில் தாங்கள் காதலிப்பதாக வெளிப்படையாக கூறினார்கள். அன்று முதல் ரன்பீர், ஆலியா எப்போது திருமணம் செய்து கொள்வார்கள் என ரசிகர்கள் காத்திருந்தனர்.

இந்நிலையில் கடந்த ஆண்டு இருவரும் திருமணம் செய்து கொண்டனர். அதனை தொடர்ந்து கடந்த ஆண்டு நவம்பர் மாதம் 6-ம் தேதி ஆலியா- ரன்பீர் ஜோடிக்கு பெண் குழந்தை பிறந்துள்ளதாக பாலிவுட் வட்டாரத்தில் தகவல்கள் வெளியானது.

அதனை தொடர்ந்து தங்களது குழந்தைக்கு ராஹா எனப் பெயரிட்டுள்ளதாக ஆலியா பட் சமூக வலைதளங்களில் அறிவித்தார்.

இந்நிலையில் நேற்று நடிகை ஆலியா பட் தனது இன்ஸ்டாகிராம் ஸ்டோரியில் காட்டமான பதிவு ஒன்றை பகிர்ந்திருந்தார்.

அதில், நீங்க என்னை கிண்டல் செய்கிறீர்களா? நான் எனது வீட்டில் உள்ள அறையில் மதியம் அமர்ந்திருக்கிறேன். யாரோ என்னை பார்த்துக்கொண்டிருப்பது போல தோன்ற நான் கவனித்தேன். அப்போது எனது வீட்டிற்கு அருகில் உள்ள கட்டடத்தின் மாடியில் இருவர் கேமரா உடன் நின்று என்னை படம் பிடித்துக் கொண்டிருந்தனர்.

இது எப்படி நடக்கலாம்... எனக்குனு தனிப்பட்ட வாழ்க்கை இருக்கு அதில் எப்படி இவ்வாறு நடக்க அனுமதிக்க முடியும். எதற்கும் ஒரு எல்லை இருக்கு என்று அந்த பதிவில் காட்டமாக தெரிவித்திருந்தார்.

இதனை தொடர்ந்து ஆலியாபட்டிற்கு ஆதரவு தெரிவிக்கும் விதமாக பிரபலங்கள் பலரும் இந்த நிகழ்விற்கு எதிர்ப்பு தெரிவித்து பதிவிட்டு வருகின்றனர்.