பிரபல நடிகையின் மகளை திருமணம் செய்த அதிதியின் முன்னாள் கணவர் - வைரலாகும் போட்டோஸ்

இயக்குநர் மணிரத்னத்தின் காற்று வெளியிடை திரைப்படம் மூலம் தமிழ் ரசிகர்களிடையே பிரபலமானவர் அதிதி ராவ் ஹைதாரி. தொடர்ந்து மணிரத்னத்தின் செக்கச்சிவந்த வானம், மிஷ்கினின் சைக்கோ உள்ளிட்ட படங்களில் நடித்தார்.

கடைசியாக தமிழில் அதிதி நடிப்பில் ஹே சினாமிகா என்ற படம் வெளியாகியிருந்தது.

நடிகர் சித்தார்த்தும் அதிதி ராவும் காதலித்துவருவதாக கூறப்படுகிறது. பொது இடங்களுக்கு இருவரும் ஜோடியாக வரும் புகைப்படங்கள் சமூக வலைதளங்களில் அடிக்கடி டிரெண்டாகி வருகிறது.

பொன்னியின் செல்வன் முதல் பாகத்தின் இசை வெளியீட்டு விழாவுக்கு சித்தார்த் - அதிதி ஜோடியாக கலந்துகொண்டது பரபரப்பாக பேசப்பட்டது.

சமீபத்தில் தெலுங்கு நடிகர் ஷார்வானந்தின் திருமணத்திலும் இருவரும் ஜோடியாக கலந்துகொண்டிருந்தனர்.

நடிகை அதிதி ராவ் ஏற்கனவே சத்யதீப் மிஷ்ரா என்பவரை தனது 21 வயதில் திருமணம் செய்துகொண்டார். பின்னர் கருத்துவேறுபாடு காரணமாக இருவரும் பிரிந்தனர்.

தற்போது சித்தார்த்துடன் அதிதி ராவ் காதலில் இருப்பதாக கூறப்படும் நிலையில் அவரது முன்னாள் கணவர் சத்யதீப் மிஷ்ராவுக்கும் மசாபா குப்தா என்பவருக்கும் கடந்த ஜனவரி 27 ஆம் தேதி எளிமையாக திருமணம் நடைபெற்றிருக்கிறது.

சத்யதீப் மிஷ்ரா திருமணம் செய்துகொண்ட மசாபா பிரபல பாலிவுட் நடிகை குப்தாவின் ஒரே மகள். தற்போது பாலிவுட் திரையுலகில் ஆடை வடிவமைப்பாளராக மசாபா இருந்துவருகிறார்.