நடிகை மைனா நந்தினி, யோகேஸ்வரன் திருமணம் - புகைப்படத் தொகுப்பு

டிவி சீரியல்களில் நடித்துப் புகழ்பெற்ற நடிகை மைனா நந்தினிக்கும், நடிகர் யோகேஸ்வரனுக்கும் திருமணம் நடைபெற்றுள்ளது.

அரண்மனை கிளி, நாம் இருவர் நமக்கு இருவர், ஆகிய தொலைக்காட்சித் தொடர்களில் தற்போது மைனா நந்தினி நடித்து வருகிறார். இவருக்கும் நாயகி, ராஜா ராணி, சத்யா உள்ளிட்ட டிவி சீரியல்களில் நடித்து வரும் யோகேஸ்வரனுக்கும் சமீபத்தில் திருமண நிச்சயதார்த்தம் நடைபெற்றது.

இருவரும் தங்களது நிச்சயதார்த்த புகைப்படங்களை சமூக வலைதள பக்கங்களில் வெளியிட்டனர் .

நிச்சயதார்த்தத்தை தொடர்ந்து தற்போது மைனா நந்தினி - யோகேஸ்வரன் திருமணம் நடைபெற்றுள்ளது.

திருமணத்தில் இருவரது நண்பர்கள் மற்றும் குடும்பத்தினர் கலந்து கொண்டனர்.

முன்னதாக நடிகை மைனா நந்தினி  கார்த்திகேயன் என்பவரைத் திருமணம் செய்தார். ஆனால் 2017-ம் ஆண்டு கார்த்திகேயன் தற்கொலை செய்து கொண்டார். இதையடுத்து தற்போது இரண்டாவதாக நடிகர் யோகேஸ்வரனைத் திருமணம் செய்துள்ளார்.

Photos : Social Media