கிழிந்த சட்டையுடன் நிகழ்ச்சியில் பங்கேற்பு... பெருமையுடன் விளக்கிய விஷால்...!

சோழிங்கநல்லூர் அடுத்த செம்மஞ்சேரியில் உள்ள தனியார் பல்கலைக்கழகத்தில் நிகழ்ச்சி ஒன்று நடைபெற்றது.

இதில், கிராமம் போன்று செட் அமைக்கப்பட்டு இருந்தது. இந்நிகழ்ச்சியில் சிறப்பு விருந்தினராக கலந்து கொண்ட விஷாலுக்கு மயிலாட்டம், தப்பாட்டம், சிலம்பாட்டம் மூலம் உற்சாக வரவேற்பு அளிக்கப்பட்டது.

மாட்டு வண்டியில் பயணம் செய்த நடிகர் விஷால், பெண்களுடன் இணைந்து நடவும் நட்டார்.

அப்போது எதிர்பாராதவிதமாக நடிகர் விஷாலின் சட்டை கிழிந்தது. அவருக்கு மாற்று உடை வழங்க ஏற்பாடு செய்யப்பட்டது.

ஆனால், விவசாயத்தால் கிழிந்த ஆடை. அப்படியே இருக்கட்டும் என்று கூறி, கிழிந்த சட்டையுடனே நிகழ்ச்சியை விஷால் நிறைவு செய்தார்.