கில்லி படத்தில் விஜய்க்கு தம்பியாக நடிக்கவிருந்தது இந்த நடிகரா? தரணி வைத்த ட்விஸ்ட்

தரணி இயக்கத்தில் விஜய் நடிப்பில் கடந்த 2004 ஆம் ஆண்டு வெளியாகி மிகப்பெரிய வெற்றிப் படமாக அமைந்தது. இப்பொழுது இந்தப் படம் டிவியில் ஒளிபரப்பானாலும் டிஆர்பி ரேட்டிங்கில் முன்னணியில் இருக்கும்.

பக்கா கமர்ஷியல் படமாக இருந்தாலும் அண்ணன் - தங்கைக்கு இடையேயான செல்ல சண்டை, இன்னெசன்டான அம்மா, ஸ்டிரிக்டான அப்பா என எல்லா தரப்பு ரசிகர்களாலும் கனெக்ட் செய்யக் கூடிய படமாக இருந்தது.

மற்றொரு பக்கம் ஹாய் செல்லம் என மதுரை முத்துப் பாண்டியாக கலக்கினார் பிரகாஷ் ராஜ்.

இந்த படத்தில் விஜய் - திரிஷா ஜோடி ரசிகர்களைப் பெரிதும் கவர்ந்தனர். இதன் காரணமாக ஆதி, திருப்பாச்சி, குருவி வரிசையில் தற்போது உருவாகிவரும் லியோ வரை இந்த ஜோடி தொடர்கிறது.

அர்ஜுனரு வில்லு, அப்படிப் போடு, கொக்கரக்கோ என வித்யாசாகரின் பாடல்கள் படத்துக்கு பெரிதும் பக்கபலமாக அமைந்தது.

இந்தப் படம் தெலுங்கில் மகேஷ் பாபு நடிப்பில் வெற்றிபெற்ற ஒக்கடு படத்தின் தமிழ் ரீமேக் என்பது குறிப்பிடத்தக்கது.

இந்தப் படத்தில் விஜய்யின் தங்கை வேடத்தில் ஜெனிஃபர் நடித்திருப்பார்.

ஒக்கடு படத்தை தமிழில் ரீமேக் செய்யும்போது தங்கை கேரக்டருக்கு பதிலாக தம்பி கேரக்டரை மாற்றலாம் என இயக்குநர் தரணி திட்டமிட்டாராம். அதற்காக அழகி படத்தில் பார்த்திபனின் சிறு வயது வேடத்தில் நடித்த சதிஷை அழைத்து ஆடிசன் நடத்தியிருக்கிறார். பின்னர் அண்ணன் - தங்கை என்பதே சரியாக இருக்கும் என தன் முடிவை தரணி மாற்றியிருக்கிறார். இதனை சதிஷ் சமீபத்தில் யூடியூப் சேனலுக்கு அளித்த பேட்டியில் தெரிவித்திருக்கிறார்.