கேன்ஸ் திரைப்பட விழாவில் ஹேண்ட்சம் லுக்கில் மாதவன்..

நடிகர் மாதவன் கேன்ஸ் திரைப்பட விழாவில் வெல்வெட் கோட் சூட் உடையில் கலந்துக்கொண்ட புகைப்படங்கள் தற்போது வைரலாகி வருகிறது.

மாதவனை செல்லமாக மேடி என்று அனைவரும் அழைப்பார்கள். 2000களில் பெண்களுக்கு மிகவும் பிடித்த நடிகராக மாதவன் வலம் வந்தார். அன்று மட்டுமில்லை இன்றும் மேடிக்கு என தனி பெண் ரசிகர் கூட்டம் உள்ளது.

மாதவன் ஹிந்தி, மலையாளம் மற்றும் தெலுங்கிலும் பல படங்கள் நடித்துள்ளார்.2016 ஆம் ஆண்டு வெளியான இறுதிச்சுற்று படமும், 2017 ஆம் ஆண்டு வெளியான விக்ரம் வேதா படமும் மாதவனுக்கு வெற்றிப்படமாக அமைந்தது. தற்போது விக்ரம் வேதா படத்தை ஹிந்தியில் ரீமேக் செய்து வருகின்றனர்.

சமீபத்தில் மாதவன் நடிப்பில் ‘ராக்கெட்டரி’ என்ற படம் வெளியாகி வரவேற்பை பெற்றது. தற்போது ஹிந்தியில் இரண்டு படங்களில் நடித்து முடித்துள்ளார் மாதவன்.

இந்நிலையில் கேன்ஸ் திரைப்பட விழாவில் மாதவன் கலந்துக்கொண்டுள்ளார். மாதவனின் உடையை Varoin Marwah என்ற ஃபேஷன் டிசைனர் வடிவமைத்து உள்ளார். அது குறித்து இன்ஸ்டாகிராமில் மாதவன் பகிர்ந்துள்ளார். ‘என்னை கேன்ஸ் விழாவில் மிகவும் கூலாக காட்டிய உங்களுக்கு நன்றி. நீங்கள் வடிவமைக்கும் ஆடைகளை உடுத்த ஆர்வமாக இருக்கிறேன்’ என்று பதிவிட்டுள்ளார்.