ஜான் - பூஜா தம்பதிக்கு ஆண் குழந்தை: அஜித் பட வில்லனை வாழ்த்தும் ரசிகர்கள்!

எஸ்எஸ் மியூசிக் டிவியில் தொகுப்பாளராக அறிமுகமாகி ரசிகர்களிடையே பிரபலமானவர் பூஜா ராமச்சந்திரன்.

ஏழாம் அறிவு, காதலில் சொதப்புவது எப்படி, நண்பன், பீட்சா, காஞ்சனா 2 போன்ற படங்களில் பூஜா நடித்திருக்கிறார்.

சில தெலுங்கு படங்களில் நடித்துள்ள பூஜா, தெலுங்கு பிக்பாஸ்  சீசன் 2 நிகழ்ச்சியில் போட்டியாளராக கலந்துகொண்டார் என்பது குறிப்பிடத்தக்கது.

சக தொகுப்பாளர் விஜே கிரேக் என்பவரை காதலித்து திருமணம் செய்து கொண்டார். 2010-ம் ஆண்டு திருமணம் செய்து கொண்ட இவர்கள் 2017-ம் ஆண்டில் கருத்து வேறுபாடு காரணமாக விவகாரத்து பெற்றனர்.

பின்னர் தனியாக வாழ்ந்து வந்த பூஜா ராமச்சந்திரன் தமிழ், மலையாளம், தெலுங்கு மொழி படங்களில் நடித்து வந்தார். தெலுங்கில் ஒளிபரப்பான பிக்பாஸ் நிகழ்ச்சியில் கலந்துகொண்ட பூஜா ராமச்சந்திரன் மக்களிடையே பிரபலமானார்.

இந்நிலையில் கடந்த 2019 ஆம் ஆண்டு  நடிகர் ஜான் கொக்கேன் என்பவரை பூஜா இரண்டாவது திருமணம் செய்துகொண்டார்.

வீரம் படத்தில் சிறிய வேடத்தில் நடித்திருந்த ஜான் கொக்கேன், சார்பட்டா பரம்பரை படத்தில் வேம்புலி என்ற வேடத்தில் கலக்கினார். அவரது நடிப்புக்கு விமர்சகர்கள் மத்தியில் நல்ல வரவேற்பை பெற்றது.

சமீபத்தில் பொங்கலை முன்னிட்டு திரையரங்குகளில் வெளியான துணிவு படத்திலும் வில்லனாக நடித்திருந்தார்.

பூஜா ராமச்சந்திரன், ஜான் கொக்கேன் இருவரும் உடற்பயிற்சி செய்யும் வீடியோக்கள் புகைப்படங்களை தங்களது இன்ஸ்டாகிராம் பக்கங்களில் பகிர, அவற்றுக்கென பிரத்யேக ஃபாலோயர்கள் இருக்கின்றனர்.

இந்த நிலையில் கர்ப்பமாக இருக்கும் பூஜாவுக்கு தற்போது வளைகாப்பு நடைபெற்றது. வளைகாப்பு புகைப்படங்களை ஜான் மற்றும் பூஜா தங்களது இன்ஸ்டாகிராம் பக்கத்தில் பகிர்ந்துள்ளனர்.

நடிகர் ஜான் கொக்கைன் தனது கர்ப்பிணி மனைவி பூஜா ராமச்சந்திரனுடன் இணைந்து வெளியிட்டுள்ள புகைப்படங்கள் இணையத்தில் வைரலானது.

இந்நிலையில் ஜான் மற்றும் பூஜா தம்பதிக்கு ஆண் குழந்தை பிறந்துள்ளது. இது குறித்த பதிவை வெளியிட்டுள்ள ஜான் எங்களுக்கு ஆண் குழந்தை பிறந்துள்ளது. மிகவும் மகிழ்ச்சியாக உள்ளது. கியான் கொக்கனை இந்த உலகிற்கு வரவேற்கிறோம் என்றும் உங்களது அன்பிற்கும் பிரத்தனைக்கும் நன்றி என்றும் அந்த பதிவில் தெரிவித்துள்ளார்.