இசையமைப்பாளருடன் ரிலேஷன்ஷிப்பில் முன்னாள் மனைவி - ரியாக்ட் செய்த ’வீரம்’ பாலா

தனது முன்னாள் மனைவியின் புதிய ரிலேஷன்ஷிப் குறித்து கேட்ட கேள்விக்கு நடிகரும், இயக்குநர் சிவாவின் தம்பியுமான பாலா பதிலளித்துள்ளார்.

இயக்குனர் சிறுத்தை சிவாவின் சகோதரரான பிரபல நடிகர் பாலா, பாடகி அம்ருதா சுரேஷை கடந்த 2010-ம் ஆண்டு மணந்தார்.

இவர்களுக்கு அவந்திகா என்ற மகள் இருக்கிறார்.

3 வருடம் தனியாக வசித்து வந்த இவர்கள் கடந்த 2019-ம் ஆண்டு விவாகரத்து பெற்றனர்.

இதற்கிடையே எலிசபெத் என்ற மருத்துவரை இரண்டாவது திருமணம் செய்துக் கொண்டார் பாலா.

இதற்கிடையில் அம்ருதா சுரேஷ் தற்போது, இரண்டு முறை திருமணம் செய்து விவாகரத்து பெற்ற இசையமைப்பாளர் கோபி சுந்தருடன் ரிலேஷன்ஷிப்பில் இருப்பதாக தகவல் வெளியாகியுள்ளது.

கோபி சுந்தருடனான படத்தை, ‘மைன்’ எனக் குறிப்பிட்டு ஹார்ட்டின் எமோஜியுடன் பகிர்ந்திருக்கிறார் அமிர்தா.

கோபி சுந்தர் மலையாளம் மற்றும் தெலுங்கில் நூற்றுக்கும் மேற்பட்ட படங்களிலும், தமிழில் 'யாருடா மகேஷ்', 'பெங்களூர் நாட்கள்' மற்றும் பிரபுதேவா-தமன்னா நடித்த 'தேவி' ஆகிய படங்களிலும் இசையமைப்பாளராக பணியாற்றியுள்ளார்.

அவரும் தனது இன்ஸ்டகிராமில் அமிர்தாவுடனான படங்களை பகிர்ந்துள்ளார்.

முன்னாள் மனைவியின் புதிய உறவு குறித்து பதிலளிக்குமாறு பாலாவிடம் முகநூலில் கேட்கப்பட்டதற்கு, தனது மனைவி எலிசபெத்துடன் தான் மகிழ்ச்சியாக இருப்பதாகவும், அவர்கள் ஒரு புதிய வீட்டை வாங்கியிருப்பதாகவும் மலையாளத்தில் பதிலளித்தார் பாலா.

இருப்பினும் தனது முன்னாள் மனைவியின் புதிய காதல் குறித்து கருத்து தெரிவிக்க விரும்பவில்லை என்றாலும், அவர் மகிழ்ச்சியாக இருக்க பிரார்த்தனை செய்வதாகக் குறிப்பிட்டார்.