அஜித் ரசிகர்களுக்கு குட் நியூஸ்... விடாமுயற்சி படம் குறித்து சூப்பர் அப்டேட் இதோ!

அஜித் நடிக்கும் விடாமுயற்சி திரைப்படத்தின் படப்பிடிப்பு ஜூன் முதல் வார இறுதியில் தொடங்குகிறது என்ற தகவல்கள் வெளியாகியுள்ளது.

துணிவு திரைப்படத்தை தொடர்ந்து நடிகர் அஜித் விக்னேஷ் சிவன் இயக்கத்தில் தன்னுடைய 62 ஆவது திரைப்படத்தில் நடிப்பதாக இருந்தது. ஆனால் ஒரு சில காரணங்களால் அந்த திரைப்படத்திலிருந்து விக்னேஷ் சிவன் விலகினார்

அதற்குப் பிறகு அஜித்தின் 62 ஆவது படத்தை யார் இயக்குவார் என்ற எதிர்பார்ப்பு நிலவி வந்த நிலையில் மகிழ்திருமேனி அந்த திரைப்படத்தை இயக்குவார் என அதிகாரப்பூர்வ அறிவிப்பு வெளியானது.

அந்தப் படத்திற்கான முதற்கட்ட பணிகள் நடைபெற்று வந்தன. மேலும் படப்பிடிப்பு தொடங்குவதற்காக வேலைகளும் நடைபெற்றன. அந்த சமயத்தில் லைகா நிறுவனத்தின் அமலாக்க துறையின் சோதனை நடைபெற்றது. இதனால் அஜித் 62வது படத்தின் படப்பிடிப்பு தள்ளிச் செல்லலாம் என்ற செய்திகள் பரவின.

இந்த நிலையில் விடாமுயற்சி என பெயர் வைக்கப்பட்டிருக்கும் அஜித்தின் 62வது படத்திற்கான படப்பிடிப்பு ஜூன் முதல் வார இறுதியில் தொடங்கும் என தகவல் வெளியாகியுள்ளது.

அதுவும் 7ஆம் தேதி அல்லது 8ஆம் தேதி படப்பிடிப்பை தொடங்க வாய்ப்பு இருப்பதாகவும் படக்குழு தரப்பில் கூறுகின்றனர். இந்த திரைப்படத்திற்கு அனிருத் இசை அமைக்கிறார் என்பது குறிப்பிடத்தக்கது.