நீ கவிதைகளா! வைரலாகும் ஆதி, நிக்கி கல்ராணியின் நிச்சயதார்த்த படங்கள்..

நடிகர் ஆதி, நடிகை நிக்கி கல்ராணிக்கு மார்ச் 24 ஆம் தேதி பெற்றோர்கள் முன்னிலையில் நிச்சயதார்த்தம் நடைப்பெற்றுள்ளது.

மரகத நாணயம் படத்தில் ஆதி மற்றும் நிக்கி கல்ராணி இணைந்து நடித்தனர். இதில் இடம்பெற்ற நீ கவிதைகளா பாடல் ரசிகர்களின் மனதை கொள்ளை கொண்டது.

இந்த திரைப்படத்தில் இந்த ஜோடி இணைய முடியவில்லையே என்ற வருத்தம் பலருக்கும் ஏற்பட்டது. இந்நிலையில் படத்தில் இணையாத ஜோடி, நிஜ வாழ்க்கையில் இணைய உள்ளார்கள் என்பது ரசிகர்கள் மத்தியில் மிகுந்த வரவேற்பை பெற்று வருகிறது.

ஆதி மற்றும் நிக்கி கல்ராணி இருவரும் தங்களது இன்ஸ்டாகிராம் பக்கத்தில் நிச்சயதார்த்த புகைப்படங்களை பகிர்ந்துள்ளனர். அதில் வாழ்வின் மிகச்சிறந்த தருணம் என்பது ஒருவருக்கொருவர் ஆதரவாக இருப்பது தான். நாங்கள் இரண்டு ஆண்டுகளுக்கு முன்பு எங்களைப் பற்றி தெரிந்து கொண்டோம். இப்பொழுது எங்கள் இருவரின் குடும்பத்தின் ஆசிர்வாதத்துடன் எங்கள் உறவை அடுத்த கட்டத்திற்கு எடுத்துச் செல்கிறோம் ' என்று பதிவிட்டிருந்தனர்.

இவர்களின் புகைப்படங்கள் தற்போது சமூக வலைதளங்களில் வைரலாகி வருகிறது.