இந்த வாரம் திரையரங்குகளில் வெளியான தமிழ் படங்கள் ஒரு லிஸ்ட்!

இந்த வாரம் திரையரங்குகளில் வெளியான தமிழ் படங்கள் ஒரு தொகுப்பு.

அறிமுக இயக்குனர் அரவிந்த்சீனிவாசன் இயக்கத்தில் நடிகர் அருள் நிதி நடித்துள்ள படம் தேஜாவு. இப்படத்தில் நடிகை ஸ்மிருதி வெங்கட் கதாநாயகியாக நடித்து உள்ளார். இவர்களுடன் மதுபாலா, காளி வெங்கட், ராகவ் விஜய், மைம் கோபி உட்பட பலர் நடித்திருக்கின்றனர். இந்தப்படம் இன்று திரையரங்குகளில் வெளியாகியுள்ளது.

மாஸ் சினிமாஸ் சார்பில், சாம் ஜோன்ஸ் நடித்து தயாரிக்க, இயக்குநர் தாமரைசெல்வன்  இயக்கத்தில் உருவாகியுள்ள திரைப்படம் நதி. இப்படத்தில் நாயகியாக கயல் ஆனந்தி நடித்துள்ளார். இந்தப் படம் இன்று திரையரங்குகளில் வெளியாகியுள்ளது.

செந்தில்நாதன் இயக்கத்தில் யோகி, தேஜ், ஸ்வாதி, சாம்ஸ் மற்றும் தாடி பாலாஜி, கோதண்டம் உள்ளிட்டவர்களின் நடிப்பில் உருவாகியிருக்கும் படம் தான் ‘சிவி 2’. இப்படத்தை துளசி சினி ஆர்ட்ஸ் சார்பில் லலிதா கஸ்தூரி கண்ணன் இப்படத்தை தயாரித்திருக்கிறார். இப்படம் இன்று திரையரங்குகளில் வெளியாகியுள்ளது.

தமிழில் பல முன்னணி ஹீரோக்களுடன் நடித்து பெயர் பெற்ற ஹன்சிகா, மஹா படத்தில் லீட்கேரக்டரில் நடிக்கிறார். இந்த படத்தில் சிறப்பு தோற்றத்தில் சிம்பு இடம்பெற்றுள்ளார். மலேசியாவில் இயங்கி வரும் மாலிக் ஸ்ட்ரீம் கார்ப்பரேஷன் என்ற நிறுவனம் மஹா படத்தை தயாரித்துள்ளது. இந்த படம் இன்று திரையரங்குகளில் வெளியாகியுள்ளது.

'வார்டு 126' படத்தில் நடிகைகள் ஷ்ரிதா சிவதாஸ், சாந்தினி தமிழரசன், வித்யா பிரதீப், ஸ்ருதி ராமகிருஷ்ணா ஆகிய நான்கு கதாநாயகிகள் நடித்துள்ளனர். இந்தப் படம் இன்று திரையரங்குகளில் வெளியாகியுள்ளது.