இந்த காதலர் தினத்துக்கு ஓடிடி-யில் என்னென்ன படங்கள் பார்க்கலாம்?

ஷாருக்கான் மற்றும் ப்ரீத்தி ஜிந்தா முக்கிய வேடங்களில் நடித்த, யாஷ் சோப்ரா இயக்கத்தில் 2004 ஆம் ஆண்டு வெளியான காதல் படமான ‘வீர் ஜாரா’ இந்தப் பட்டியலில் முதலிடத்தில் உள்ளது.

நீங்கள் இதுவரை ‘தி நோட்புக்’ படத்தைப் பார்க்கவில்லை என்றால், இந்த காதலர் தினத்தில் இத்திரைப்படத்தை நெட்ஃப்ளிக்ஸில் பார்த்து மகிழுங்கள். நோவா கால்ஹவுன் என்ற மில் தொழிலாளியும் ஆல்லி என்ற வசதி மிகுந்த பெண்ணும் தான் கதையின் மையக்கரு.

டைட்டானிக் படத்தைப் பார்க்காதவர்களை விரல் விட்டு எண்ணிவிடலாம். ரசிகர்களின் இதயங்களை வென்ற ஜாக் - ரோஸ், கிளைமேக்ஸில் பார்வையாளர்கள் மனதை கனமாக்கினர். படத்தை டிஸ்னி பிளஸ் ஹாட் ஸ்டாரில் காணலாம்.

மறைந்த பாலிவுட் நடிகர் இர்ஃபான் கான் நடித்த லஞ்ச் பாக்ஸ் படம் பார்வையாளர் கண்களுக்கு விருந்து. இதனை அமேசான் பிரைமில் பார்க்கலாம்.

டிஸ்னி பிளஸ் ஹாட் ஸ்டாரில் இருக்கும் அப் படம் பார்வையாளர்களை கண்ணீரில் மிதக்க வைப்பது உறுதி.

1995 ஆம் ஆண்டு ஆதித்யா சோப்ரா என்ற அறிமுக இயக்குநர் இயக்கத்தில் உருவான தில்வாலே துல்ஹனியா லே ஜாயங்கே என்ற திரைப்படத்தில் ஷாருக்கான், ராஜ் என்ற கேரக்டரிலும் கஜோல் சிம்ரன் என்ற கதாபாத்திரத்திலும் நடித்திருந்தனர். படம் வெளியாகி சக்கைபோடு போட்ட நிலையில் அதன் பாடல்களும் ரசிகர்களிடையே பெரும் வரவேற்பை பெற்றது. இதனை அமேசான் பிரைமில் பார்த்து மகிழலாம்.

கிரிக்கிட் கார்பென்டர் மற்றும் அவரது மனைவி கிம் கார்பென்டர் ஆகியோர் எழுதிய புத்தகத்தை அடிப்படையாகக் கொண்ட இப்படம் அவர்களின் நிஜ வாழ்க்கை கதையாகும். தி வாவ் படத்தை அமேசான் பிரைமில் பார்க்கலாம்.