தஞ்சையில் கல்லூரி படிப்பு, 27 வயதில் ராக்கி பாயின் அம்மா - கவனம் ஈர்க்கும் அர்ச்சனா ஜோய்ஸ்!

KGF 2 திரைப்படம் வெளியாகி உலகம் முழுவதும் மிகப்பெரிய வரவேற்பைப் பெற்று வருகிறது.

அந்தப் படத்தில் நடித்த நடிகை தான் இவரென்றால் கொஞ்சம் யோசிப்பீர்கள். ஆனால் அதான் உண்மை. கே.ஜி.எஃப் படத்தில் யாஷின் அம்மாவாக நடித்த அர்ச்சனா ஜோய்ஸ் தான் இவர்.

இவர் 1994-ம் ஆண்டு கர்நாடகா, பெங்களூருவில் பிறந்தார்.

அவர் பெங்களூரில் உள்ள நியூ ஆக்ஸ்போர்டு ஆங்கிலப் பள்ளியில் பள்ளிப்படிப்பை முடித்தார். அங்குள்ள நாட்யா இன்ஸ்டிடியூட் ஆஃப் கதக்கில் இளங்கலை பட்டப்படிப்பை முடித்தார்.

தமிழ்நாட்டின் தஞ்சையிலுள்ள சாஸ்த்ரா பல்கலைக்கழகத்தில் ஃபைன் ஆர்ட்ஸில் முதுகலை படிப்பையும் முடித்தார்.

ஜீ கன்னடத்தில் மகாதேவி என்ற கன்னட சீரியலின் மூலம் நடிகையாக அறிமுகமானார். அந்த சீரியலில் சுந்தரி என்ற கேரக்டரில் நடித்து பிரபலமானார். தற்போது சுவர்ணா டிவியில் துர்கா என்ற சீரியலில் முக்கிய கதாபாத்திரத்தில் நடித்து வருகிறார்.

2019 ஆம் ஆண்டு யாஷ் நடிப்பில் பிரசாந்த் நீல் இயக்கிய கன்னட திரைப்படமான K.G.F: சேப்டர் 1 படம் மூலம் அவர் தனது திரைப்பட வாழ்க்கையை தொடங்கினார். அதில் ராக்கியின் அம்மா சாந்தம்மாவாக நடித்திருந்தார் அர்ச்சனா. அவரது நடிப்பு பார்வையாளர்கள் மற்றும் ரசிகர்களால் பெரிதும் பாராட்டப்பட்டது.

அதைத் தொடர்ந்து கே.ஜி.எஃப் 2 படத்திலும் ராக்கியின் அம்மாவாக நடித்திருக்கிறார். இளம் வயதிலேயே பிரபலமான ஹீரோ கதாபாத்திரத்திற்கு அம்மாவாக நடித்து அனைவரையும் வியக்க வைத்திருக்கிறார் அர்ச்சனா.