மாஸ் விக்ரம்... ஹரியின் பரபர திரைக்கதை.. ரஜினியின் பாராட்டு - சாமி படத்தின் ஹைலைட்ஸ்

ஹரி இயக்கத்தில் விக்ரம் நடிப்பில் கடந்த 2003 ஆம் ஆண்டு மே 1 ஆம் தேதி வெளியாகி மிகப்பெரிய வெற்றிபெற்ற படம் சாமி. இந்தப் படம் வெளியாகி 20 வருடங்களை நிறைவு செய்துள்ளது.

இந்தப் படத்தை கவிதாலயா சார்பில் கே.பாலசந்தர் தயாரித்திருந்தார்.

ஹீரோ ஆறுச்சாமி கதாப்பாத்திரத்தையும் வில்லன் பெருமாள் பிச்சை கதாப்பாத்திரத்தையும் மிக தனித்துவமாக வடிவமைத்திருந்தது படத்தின் வெற்றிக்கு முக்கிய காரணமாக அமைந்தது.

இயக்குநர் ஹரியின் பர பர ஸ்கிரீன்பிளேக்கு துவக்கமாக அமைந்தது இந்தப் படம்.

வில்லனாக ஏலே சாமி... என மிரட்டினார் கோட்டா சீனிவாச ராவ். தொடர்ந்து இதே போல பல படங்களில் நடித்தார்.

முதன்முறையாக ஜோடி சேர்ந்த விக்ரம் - திரிஷா ஜோடியும் இந்தப் படத்துக்கு ஹைலைட்டாக அமைந்தது.

அவன் பேசும்போது காது ஆடு கவனிச்சியா நிச்சயம் அவன் நம்ம சாதிக்காரனா தான் இருப்பான் என இந்தப் படத்தின் வசனங்களும் பெரிதும் கவனம் ஈர்த்தன.

ஹாரிஸ் ஜெயராஜ் இசையில் கல்யாணம் தான்.... இவன் தானா... பிடிச்சிருக்கு போன்ற பாடல்கள் பெரிய ஹிட்டடித்தன. பின்னணி இசையில் படத்துக்கு கூடுதல் மாஸ் சேர்த்திருந்தார்.

இந்தப் படத்தின் வெற்றிவிழாவில் சூப்பர் ஸ்டார் ரஜினிகாந்த், விஜய், சூர்யா உள்ளிட்ட நட்சத்திரங்கள் கலந்துகொண்டிருந்தனர். விழாவில் விக்ரம், விஜய், சூர்யா ஆகியோரின் தனித்தன்மைகள் குறித்து ரஜினிகாந்த் பாராட்டி பேசியிருந்தார்.

ஒரு பக்கா கமர்ஷியல் படத்துக்கு இன்றளவும் உதாரணமாக இருந்து வருகிறது சாமி.