ஷூட்டிங்கில் விபத்து.. நொடியில் உயிர்தப்பிய ஏ.ஆர்.ரகுமான் மகன்.. ஷாக் சம்பவம்!

படப்பிடிப்பு தளத்தில் ஏற்பட்ட விபத்தில் கடவுளின் அருளால் உயிர் தப்பியதாக இசையமைப்பாளர் ஏ.ஆர் ரகுமானின் மகன் அமீன் தெரிவித்துள்ளார்.

கடந்த சில நாட்களுக்கு முன்பு பாடலுக்காக நடத்தப்பட்ட படப்பிடிப்பில் ஏற்பட்ட விபத்து குறித்து புகைப்படங்களை தனது இன்ஸ்டாகிராம் பக்கத்தில் அமீன் பகிர்ந்துள்ளார்.

அதில், கேமரா முன் நடிப்பதில் கவனம் செலுத்தியபோது, ​​​​பொறியியல் மற்றும் பாதுகாப்பை குழு கவனித்துக்கொண்டிருக்கும் என்று தான் நம்பியதாகக் குறிப்பிட்டுள்ளார்.

தான் அந்த இடத்தின் நடுவில் இருந்தபோது கிரேனில் நிறுத்தி வைக்கப்பட்டிருந்த செட் மற்றும் சரவிளக்குகள் கீழே விழுந்ததாகவும், சில விநாடிகள் முன்னரோ, பின்னரோ அல்லது சில அங்குலம் முன்னரோ, பின்னரோ இருந்திருந்தால் தங்களது தலையில் விழுந்திருக்கும் என்றும் கூறியுள்ளார்.

தானும், தனது குழுவினருமும் அந்த விபத்தால் ஏற்பட்ட அதிர்ச்சியிலிருந்து இன்னும் மீள முடியவில்லை என்றும் அமீன் தெரிவித்துள்ளார்