நடிப்பில் மட்டுமல்ல வணிகத்திலும் கலக்கும் அனுஷ்கா சர்மா...! வலிமையான பெண்கள் பட்டியலில் இடம்

பார்ச்சூன் இந்தியா சமீபத்தில் வணிகத்தில் சிறந்து விளங்கும் 50 இளம் பெண்களின் பட்டியலை வெளியிட்டுள்ளது.

50 இளம் வணிகர்களின் பட்டியலில் நடிகை அனுஷ்கா சர்மா 39-வது இடத்தை பிடித்துள்ளார்.

பார்ச்சூன் இந்தியா வெளியிட்டுள்ள அறிவிப்பில் அனுஷ்கா சர்மா நடிகையாக மட்டுமில்லாமல் பிசினசிலும் சிறந்து விளங்குவதாக தெரிவித்துள்ளது.

மேலும் அனுஷ்கா சர்மா நடிகையாகவும், பிசினசிலும் சிறந்து விளங்குவது மட்டுமின்றி பிரபல எல்லே 18 மற்றும் மின்த்ரா போன்ற ப்ராண்டுகளுக்கு விளம்பர தூதராகவும் சிறந்து விளங்குவதாக பாராட்டியிருந்தது.

தனது 25-வது வயதில் அனுஷ்கா சர்மா ஒரு தயாரிப்பு நிறுவனத்தை தொடங்கினார். அந்த நிறுவனத்தின் மூலம் என் எச்  10, பில்லாரி, பரி என மூன்று சிறிய பட்ஜெட் படங்களை ஹிந்தியில் தயாரித்தார்.

இந்த மூன்று படங்களும் 40 கோடி ரூபாயை வசூல் செய்து பாக்ஸ் ஆபீசிஸ் ஹிட்டானது.

பாலிவுட்டை தொடர்ந்து கிளீன் ஸ்லேட் பிலிம்ஸ் மற்றும் நெட்ஃபிலிக்ஸ் உடன் இணைந்து தற்போது ‘புல்புல்’ என்ற இணைய தொடரையும் தற்போது தயாரித்து வருகிறார் என்றும் தெரிவித்துள்ளது.