மூவி டைம்: த்ரிஷ்யம் பட இயக்குநரின் ’கூமன்’ படம் எப்படி இருக்கு? ஓடிடி ரிவியூ இதோ!

த்ரிஷ்யம் படம் மூலம் தனக்கென தனி ரசிகர்கள் கூட்டத்தை உருவாக்கி வைத்திருக்கும் இயக்குநர்தான் ஜித்து ஹோசப். த்ரில்லர் -இன்வெஸ்டிகேஷன் வகை படங்களை தனக்கே உரித்தான ஸ்டைலில் ரசிகர்களுக்கு விருந்தாக படைப்பதில் கெட்டிக்காரர். அவர் இயக்கத்தில் உருவாகி தியேட்டர்களில் வெளியான திரைப்படம்தான் கூமன். தற்போது இப்படம் அமேசான் ப்ரைமில் உள்ளது

போலீஸ் ஹீரோவாக ஆசிப் அலி. ஒரு முக்கியகுற்றவாளியைத் தேடி அலைவதே கதை. போலீசுக்கே உரிய புத்திக்கூர்மையுடன் அவருக்கு இருக்கும் ஒரு சிக்கலும் சேர்ந்து சுழற்ற தனக்கு வந்த சவாலை ஹீரோ முறியடித்தாரா இல்லையா என்பதே கதை

தனக்கே உரித்தான பரபர திரைக்கதையை இந்தப்படத்திலும் கொடுத்துள்ளார் இயக்குநர் ஜித்து சோசப். போலீஸ் ஸ்டேஷன், ஒரு கிராமம், கிராம மக்கள், காடு, வீடு என கதையோடு நம்மை பயணிக்க வைக்கிறது கேமரா வொர்க்.

படம் தொடக்கத்தில் சற்று மெதுவாக ஓடத்தொடங்கினாலும் போகப்போக கதையை யூகிக்கவே முடியாமல் வேகம் எடுத்து ஓடுகிறது. கணிக்கவே முடியாத ஒரு கதையோடு இணைத்து இரண்டாம் பாதியை வேகமெடுத்து முடித்துள்ளார் இயக்குநர்

கேரளாவில் நடக்கும் சில உண்மை சம்பவங்களை மையமாக வைத்தே இப்படம் உருவாக்கப்பட்டுள்ளது. படத்தின் நாயகன் ஆசிப் அலி முக பாவனைகளில் அசத்தலான நடிப்பை கொடுத்துள்ளார். மற்ற நடிகர்களும் தங்களுடைய பங்கை சிறப்பாக செய்துள்ளனர்

கேமரா, இசை என டெக்னிக்கலாகவும் படம் தரமான அவுட்புட்டாக வெளிவந்துள்ளது. ஒரு சில சின்னச்சின்ன லாஜிக் மீறல்கள் இருந்தாலும் த்ரில்லர் வகை என்பதால் நம்மை உறுத்தாமல் அடுத்து அடுத்து என பயணிக்கிறது

ஜித்து ஜோசப்பின் த்ரிஷியம் அளவுக்கு ஈடுகொடுக்கவில்லை என்றாலும் த்ரில்லர் ரசிகர்களை ஏமாற்றாமல் படத்தைக்கொடுத்துள்ளார் இயக்குநர். குடும்பத்தோடு அமர்ந்து த்ரில்லரை பார்த்து ரசிக்க ஏற்ற திரைப்படம் இந்த கூமன்.