வலிமை ஓடிடி உரிமையைப் பெற்ற பிரபல நிறுவனம்..

அஜித்தின் வலிமை 2022 பொங்கலுக்கு வெளியாகும் என அறிவித்துள்ளனர். இதன் ஓடிடி உரிமையை ஸீ நெட்வொர்க் வாங்கியுள்ளதாக தகவல்கள் தெரிவிக்கின்றன. 

இந்த வருடத்தின்; அதிக எதிர்பார்ப்புக்குரிய திரைப்படங்களில் வலிமையும் ஒன்று. தீபாவளியை முன்னிட்டு நவம்பரில் படம் வெளியாகும் என எதிர்பார்க்கப்பட்ட நிலையில், பட வெளியீட்டை தயாரிப்பாளர் 2022 பொங்கலுக்கு தள்ளி வைத்தார். ரசிகர்கள் இதனால் ஏமாற்றமடைந்தனர்.

அதனை சரி செய்வது போல் வலிமையின் முன்னோட்டக் காட்சி வெளியானது. பல லட்சம் பேர் குறுகிய நேரத்தில் அதனைப் பார்த்தனர். இந்த வருடம் அதிக லைக்குகளைப் பெற்ற முன்னோட்டக் காட்சி என்ற சாதனையும் வலிமை படைத்தது. 

வலிமையின் ஓடிடி உரிமையை ஸீ நெட்வொர்க் வாங்கியுள்ளதாக தகவல்கள் தெரிவிக்கின்றன. இந்தியாவில் பெரிய நிறுவனங்களுள் ஒன்றான ஸீ நெட்வொர்க் தற்போது சோனி நிறுவனத்துடன் இணைந்திருப்பது குறிப்பிடத்தக்கது. 

வலிமை போன்ற முன்னணி நடிகர்களின் படங்கள் திரையரங்கில் வெளியாகி நான்கு வாரங்கள் கழித்தே படத்தை ஓடிடிக்கு தர வேண்டும் என விநியோகஸ்தர்களும், திரையரங்கு உரிமையாளர்களும் தயாரிப்பாளர்களுக்கு நிபந்தனை விதித்துள்ளனர். வலிமையும் அந்த நிபந்தனைக்கு உட்பட்டே திரைக்கு வருகிறது. அதனால் படம் வெளியாகி நான்கு வாரங்கள் கழித்து 2022 பிப்ரவரியல் படம் ஸீ 5 ஓடிடியில் வெளியிடப்படலாம்.