பிரபல சீரியல் நடிகை வீட்டில் நடந்த பொங்கல் கொண்டாட்டம்

சீரியல் நடிகை ரச்சிதா தனது கணவருடன் பொங்கல் கொண்டாடிய புகைப்படங்களை சமூகவலைதளத்தில் பதிவிட்டுள்ளார்.

தமிழ், தெலுங்கு, கன்னட சீரியல்களில் நடித்திருப்பவர் நடிகை ரச்சிதா. பிரிவோம் சந்திப்போம் தொடரின் மூலம் அறிமுகமான ரச்சிதா, தன்னுடன் நடித்த தினேஷ் என்பவரை காதலித்து திருமணம் செய்து கொண்டார்.

விஜய் டிவியின் சரவணன் மீனாட்சி தொடரில் பிரபலமான ரச்சிதா, ஒரு சிறிய இடைவேளைக்குப் பின் தனது கணவர் உடன் இணந்து ஜீ தமிழில் ஒளிபரப்பான நாச்சியார்புரம் தொடரில் நடித்தார். ரசிகர்களிடம் வரவேற்பைப் பெற்ற இந்தத் தொடர் சமீபத்தில் முடிவடைந்தது.

தற்போது விஜய் டிவியில் விறுவிறுப்பாக ஒளிபரப்பாகி வரும் நாம் இருவர் நமக்கு இருவர் தொடரில் நடித்து வருகிறார்.

பொங்கலை முன்னிட்டு தனது கணவர் மற்றும் குடும்பத்துடன் பொங்கல் வைத்து கொண்டாடிய ரச்சிதா, தனது இன்ஸ்டாகிராம் பக்கத்தில் புகைப்படங்கள் மற்றும் வீடியோக்களை வெளியிட்டுள்ளார்.