லண்டனில் நடிகர் சித்தார்த்துக்கு அறுவை சிகிச்சை..

சித்தார்த் நீண்ட இடைவெளிக்குப் பின் தெலுங்கில் மகா சமுத்திரம் என்ற திரைப்படத்தில் நடித்துள்ளார். அவருடன் சர்வானந்த் இணைந்து நடித்துள்ளார். அஜய் பூபதி இயக்கம். தமிழ், தெலுங்கு இரு மொழிகளில் அடுத்த மாதம் மகா சமுத்திரம் வெளியாகிறது. சில தினங்கள் முன்பு இதன் ட்ரெய்லர் வெளியிடப்பட்டது.

ட்ரெய்லர் வெளியீட்டு நிகழ்ச்சியில் சித்தார்த் கலந்து கொள்ளவில்லை. பல வருடங்களுக்குப் பிறகு தெலுங்கில் வெளியாகும் என்னுடைய படம் என மகா சமுத்திரம் குறித்து பலமுறை சித்தார்த் பெருமிதமாக குறிப்பிட்டிருந்தார்.

அவர் நிகழ்ச்சியில் கலந்து கொள்ளாதது பல்வேறு யூகங்களை கிளப்பியது. அதற்குப் பதில் சொல்லும் விதமாகப் பேசிய இயக்குனர் அஜய் பூபதி, அறுவை சிகிட்சை ஒன்றுக்காக சித்தார்த் லண்டன் சென்றிருப்பதால், அவரால் நிகழ்ச்சியில் கலந்து கொள்ள முடியவில்லை என்றார்.

மகா சமுத்திரத்தில் நாயகிகளாக அதிதி ராவும், அனு இமானுவெலும் நடித்துள்ளனர்.

கருடா ராம், ராமச்சந்திர ராஜு ஆகியோர் வில்லன்கள். ஆக்ஷன், காதல் என மகா சமுத்திரம் பிரமாண்டமாக தயாராகியுள்ளது.