பத்மநாப சாமி கோவிலில் அர்ஜூன் சாமி தரிசனம்..! ( படங்கள்)

கேரளா மாநிலம் திருவனந்தபுரத்தில் நடந்து வரும் மலையாள படத்தின் படப்பிடிப்பில் ஆக்ஷன் கிங் அர்ஜுன் கலந்துகொண்டுள்ளார்.படப்பிடிப்பின் இடையே பத்மநாப சாமி கோவிலில் சாமி தரிசனம் செய்தார் ஆக்ஷன் கிங் அர்ஜுன்.

பத்மநாப சாமி கோவில் சென்ற அவருடன் ஏராளமான ரசிகர்கள் செலஃபி எடுத்துக்கொண்டனர்.

இயக்குனர் கண்ணன் தாமரக்குளத்தின் மல்டி ஸ்டாரர் படம் "விருந்நு". இப்படத்தின் ஷூட்டிங் தற்போது கேரளா மாநிலம் திருவனந்தபுரம், போத்தன்கோடு பகுதியில் நடைபெற்று வருகிறது.

இந்த படத்தில் அர்ஜுன், சர்ஜா, நிக்கி கல்ராணி, ஆஷா சரத், முகேஷ் மற்றும் பலர் நடித்து வருகின்றனர்.இந்த படத்தின் ஒரு பகுதி படப்பிடிப்பானது கடந்த ஆண்டு பீர்மேட்டில் நடைபெற்றது.கொரோனா காரணமாக இப்படத்தின் படப்பிடிப்பு நிறுத்தப்பட்டிருந்தது என்பது குறிப்பிடத்தக்கது. தற்போது  கட்டுப்பாடுகள் நீங்கி உள்ள நிலையில் படக்குழு மீண்டும்  படப்பிடிப்பை தொடங்கி உள்ளனர்.

திருவனந்தபுரம் அருகே போத்தன்கோடு பகுதியில் கடந்த சில தினங்களாக படப்பிடிப்பு தொடர்ந்து நடைபெற்று வருகிறது.

இதில் நடித்து வரும் அர்ஜுன் பிரசித்தி பெற்ற திருவனந்தபுரம் பத்மநாப சாமி கோவிலில் சாமி தரிசனம் செய்தார். அவருடன் இயக்குனர் மற்றும் படக்குழுவினர் பலர் தரிசனம் செய்தனர்.

அப்போது கோவில் நிர்வாகிகள் மற்றும் தரிசனம் செய்ய வந்த பக்தர்கள் என பலரும் அர்ஜுன் உடன் புகைப்படம் மற்றும் செல்ஃபி எடுத்துக்கொண்டனர்.

ஆக்ஷன் கிங் அர்ஜுனை பார்த்த ரசிகர்கள் தங்களது மகிழ்ச்சியை வெளிப்படுத்தினர்.