ஏ1 முதல் டியர் காம்ரேட் வரை...! நாளை ரிலீஸ் ஆகும் படங்கள் ஒரு பார்வை

விஜய் தேவரகொண்டா மற்றும் ராஷ்மிகா மந்தனா ஹிட் ஜோடியின் இரண்டாவது படமாக டியர் காம்ரேட் உருவாகியுள்ளது. தமிழ், தெலுங்கு, கன்னடம் மற்றும் மலையாளம் என நான்கு மொழிகளில் இப்படம் நாளை வெளியாக இருக்கிறது. இந்தப்படத்தை அறிமுக இயக்குனர் பரத் கம்மா இயக்கியுள்ளார்.

நடிகர் சந்தானம் ஜான்சன் இயக்கத்தில் அக்யூஸ்ட் நம்பர் 1(A1) என்ற படத்தில் நடித்துள்ளார். சந்தானத்திற்கு ஜோடியாக தாரா அலிஷா நடித்துள்ளார். இப்படம் நாளை வெளியாகவுள்ளது.

தனராம் சரவணன் இயக்கியுள்ள 'கொளஞ்சி' படத்தில் சமுத்திரக்கனி, சங்கவி, ராஜாஜி, நைனா சர்வார் ஆகியோர் நடித்துள்ளனர். இப்படத்தை 'மூடர்கூடம்' படத்தை இயக்கிய நவீன் தயாரித்துள்ளார். நீண்ட நாட்களாக பல காரணங்களால் வெளியாகாமல் இருந்த இப்படம் நாளை வெளியாகவுள்ளது.

ஸ்ரீசிவ குடும்பம் பிலிம்ஸ் சார்பில் எஸ்.நவீன்குமார், எஸ்.சுமதி, எஸ்.மோகனவேல் இணைந்து தயாரிக்கும் படம் ‘ஆறடி’. இதில்  விஜய்ராஜ் நாயகனாக நடித்துள்ளார், நாயகியாக தீபிகா நடித்துள்ளார். இப்படம் நாளை வெளியாக உள்ளது.

'ஆரஞ்சு மிட்டாய்' படத்தை இயக்கிய பிஜு விஸ்வநாத் அடுத்ததாக இயக்கியுள்ள படம் 'சென்னை பழனி மார்ஸ்'. நடிகர் விஜய் சேதுபதி இப்படத்தை தயாரித்துள்ளார். மேலும் இப்படத்திற்கு அவர் வசனமும் எழுதியுள்ளார். புதுமுகங்களை கொண்டு உருவாகியுள்ள இந்த படம் நாளை வெளியாகவுள்ளது.