ஜாக்பாட் முதல் கழுகு 2 வரை... இந்த வாரம் ரிலீஸ் ஆகும் படங்கள் ஒரு பார்வை...!

ஜோதிகா நடித்த ஜாக்பாட் படம் திரையரங்குகளில் இன்று வெளியாகியுள்ளது. `குலேபகாவலி' படத்தை இயக்கிய கல்யாண் இந்த படத்தை இயக்கியுள்ளார். இப்படத்தில் ஜோதிகா உடன் நடிகை ரேவதியும் முக்கிய கதாபாத்திரத்தில் நடித்துள்ளார்.

கிருஷ்ணா, காளி வெங்கட், பிந்துமாதவி உள்ளிட்டோர் நடித்துள்ள கழுகு 2 படத்தை சத்யசிவா இயக்கியுள்ளார். படத்திற்கு தணிக்கை குழு ‘யு’ சான்றிதழ் வழங்கியுள்ளது. இன்று இப்படம் திரையரங்குகளில் வெளியாகியுள்ளது.

இயக்குனர் சாக்ரி டோலெட்டி இயக்கத்தில் நயன்தாரா, பூமிகா நடிக்கும் த்ரில்லர் திரைப்படம் கொலையுதிர் காலம். இப்படம் இன்று திரையரங்குகளில் வெளியாக உள்ளது.

ஷமன் பிக்சர்ஸ் தயாரிப்பில் ஷமன் மித்ரு கதையின் நாயகனாக நடிக்க, அவருக்கு ஜோடியாக சத்யகலா நடித்துள்ளார். குணச்சித்திரக் கதாபாத்திரங்களில் அழகு, சுந்தர்ராஜ், முத்துராமன், ஜெயசீலன், ஸ்டெல்லா, ஜானகி ஆகியோரும் நடித்துள்ளனர். இப்படம் இன்று திரையரங்குகளில் வெளியாக உள்ளது.

பிரண்ட்ஸ் பிக்சர்ஸ், ஜே.கே இன்டர்நேஷனல் தயாரிக்கும் படம், ஐஆர் 8. அனீபா, விஷ்வா, பிந்து, அப்புக்குட்டி, கராத்தே ராஜா நடித்துள்ள இந்த படம் இன்று திரையரங்குகளில் வெளியாக உள்ளது.