ட்ரூ காலரில் 50 பேருக்கு வேலை வாய்ப்பு!

மொபைல் செயலி நிறுவனமான ட்ரூ காலர் ஸ்வீடனை தலைமை இடமாகக் கொண்டு செயல்பட்டு வருகிறது.

தற்போது இந்தியாவில் ட்ரூ காலர் செயல்பாடுகளை மேம்படுத்த ஊழியர்களின் எண்ணிக்கையை அதிகரிக்க உள்ளதாக அதன் நிறுவனர் ஆலன் மாமெடி தெரிவித்துள்ளார்.

ட்ரூ காலர் நிறுவனத்தின் 70 சதவீத பயனர்கள் இந்தியர்கள். அண்மையில் இந்தியாவில் ட்ரூ காலர் செயலியைப் பயன்படுத்துபவர்களின் எண்ணிக்கை 100 மில்லியனை எட்டியுள்ளது.

நம்மைத் தொடர்புகொள்ளும் மொபைல் எண் யாருடையது என்று கண்டறியக் கூடிய ஒரு செயலியாக ட்ரூ காலர், இந்த ஆண்டு அறிமுகம் செய்யப்பட்டது. தற்போது பணப்பரிவர்த்தனை சேவையும் வழங்கி வருகிறது. சென்ற ஆண்டு முதல் மொபைல் பில் கட்டணம் செலுத்துதல் போன்ற சேவையையும் ட்ரூ காலர் வழங்கி வருகிறது.

புதியதாக பணிக்கு எடுக்கப்படும் ஊழியர்கள் மூலமாக இந்தியர்களை மேலும் கவரும் வகையில் ட்ரூ காலர் சேவை விரிவுபடுத்தப்படும். வேகமாகச் சேவையை விரிவுபடுத்த வேண்டும் மற்றும் பயனர்களை அதிகப்படுத்த வேண்டும் என்பதற்காகக் கேஷ்பேக் வழங்கும் திட்டம் ஏதுமில்லை என்றும் ட்ரூ கால நிறுவனர் ஆலன் மாமெடி கூறியுள்ளார்.