TNPSC Group 4 Results : குரூப் 4 முடிவுகளை அறியமுடியவில்லை... தேர்வர்கள் புகார்!

குரூப் 4 தேர்வு முடிவுகளை அறிந்து கொள்ள முடியவில்லை என ஏராளமான தேர்வர்கள் புகார் அளித்துள்ளனர்.

தமிழ்நாட்டில் குரூப் 4 எழுத்துத் தேர்வு 2022 ஜுலை மாதம் 24ம் தேதி நடைபெற்றது. 18.5 லட்சம் பேர் கலந்து கொண்டனர். குரூப் 4 நிலை பதவிகளுக்கு எழுத்துத் தேர்வின் அடிப்படையில் மட்டுமே விண்ணப்பதாரர்கள் தேர்வு செய்யப்படுகின்றனர்.

இந்த தேர்வுக்கான முடிவுகள் கடந்த 25ஆம் தேதி வெளியிடப்பட்டது.

குரூப் 4 தேர்வு முடிவுகளை டிஎன்பிஎஸ்சி தேர்வாணையத்தின் இணையதளத்தில் (https://www.tnpsc.gov.in/Home.aspx) பதிவிறக்கம் செய்து கொள்ளலாம் என தெரிவிக்கப்பட்டது.

இந்த நிலையில், குரூப் 4 தேர்வு முடிவுகளை அறிந்து கொள்ள முடியவில்லை என ஏராளமான தேர்வர்கள் புகார் அளித்துள்ளனர்.

பாதிக்கப்பட்ட தேர்வர்கள் சென்னை டி.என்.பி.எஸ்.சி. அலுவலத்தில் முறையிட நேரில் வருகை புரிந்துள்ளனர்.

இணையதளத்தில் தேர்வு எண், பிறந்த தேதி ஆகியவற்றை உள்ளீடு செய்தும் முடிவுகளை அறிய முடியவில்லை என புகார் தெரிவிக்கின்றனர்.