TNPSC Group 4 தேர்வுக்கு அப்ளை செய்ய போறீங்களா... இதை மறக்க வேண்டாம்

தமிழ்நாடு அரசுப் பணியாளர்கள் தேர்வாணையத்தின் கீழ் தமிழ்நாடு அரசுப் பணிகள் பெரும்பாலானவற்றுக்கு தேர்வுகள் நடத்தப்படுகின்றன. இதில், குரூப் 4 தேர்வு மூலம் கிராம நிர்வாக அலுவலர் (வி.ஏ.ஒ), டைபிஸ்ட், ஸ்டேனோ டைபிஸ்ட், இளநிலை உதவியாளர், பில் கலெக்டர், நில அளவையாளர் ஆகிய பணியிடங்கள் நிரப்பப்படுகின்றன.

இந்நிலையில், குரூப் 4 தேர்வு தொடர்பான அறிவிப்பு மார்ச் 29ம் தேதியன்று வெளியிடப்பட்டது. அதன்படி, 7,301 காலி பணியிடங்கள் நிரப்பப்பட உள்ளதாக தெரிவிக்கப்பட்டது. இந்த தேர்வுக்கு விண்ணப்பிக்க கடைசி நாள் ஏப்.28ம் தேதி ஆகும். இதனிடையே, குரூப்-4 தேர்வுக்கு தற்போது வரை 13 லட்சத்திற்கும் அதிகமானோர் விண்ணப்பம் செய்துள்ளனர் என தெரிவிக்கப்பட்டுள்ளது.

குரூப் 4 தேர்வுக்கு விண்ணப்பிக்க உள்ளவர்கள் கவனத்திற்கு : நாளை (ஏப்ரல் 28) குரூப் 4 தேர்வுக்கு விண்ணப்பிக்க கடைசி நாள் என்பதல் பலர் விண்ணப்பிக்க வாய்ப்புள்ளது. அதனால் சர்வர் முடங்கும் அபாயமும் உள்ளதால் நாளை வரை காத்திருக்காமல் உடனடியாக விண்ணப்பம் செய்வது உங்களுக்கான சிரமத்தை குறைக்கும். குரூப் 4 தேர்வுக்கு விண்ணப்பிக்கும் கால அவகாசத்தை டிஎன்பிஎஸ்சி இதுவரை நீட்டிக்கவில்லை. எனவே டிஎன்பிஎஸ்சி எவ்வளவு சீக்கிரம் முடியுமோ உடனே அப்ளை செய்து விடுங்கள்.

தேர்வு தொடர்பான மேலும் விவரங்களுக்கு, தமிழ்நாடு அரசுப் பணியாளர் தேர்வாணைய அலுவலகத்தினை நேரில் அல்லது 1800 419 0958 என்ற கட்டணமில்லா தொலைபேசி எண்ணின் மூலம், அனைத்து வேலை நாட்களிலும் முற்பகல் 10.00 மணி முதல் பிற்பகல் 5.45 மணி வரைதொடர்பு கொள்ளலாம்.

ஒரு முறைப் பதிவு மற்றும் இணையவழி விண்ணப்பம் குறித்த சந்தேகங்களை helpdesk@tnpscexams.in என்ற மின்னஞ்சலுக்கு அனுப்பலாம். இதர சந்தேகங்களை grievance.tnpsc@tn.gov.in என்ற மின்னஞ்சல் முகவரிக்கு அனுப்பலாம்.