தேசிய வேலைவாய்ப்பு தளத்தில் 3 லட்சம் காலியிடங்கள் அறிவிப்பு- முழு தகவல் இதோ

மத்திய வேலைவாய்ப்பு அமைச்சகம் செயல்படுத்தி வரும் தேசிய வேலைவாய்ப்பு சேவை இணையதளத்தில் (National Career Service Portal)  தற்போது 3.2 லட்சம் காலியிடங்கள்  (324,737) அறிவிக்கப்பட்டுள்ளன.

National Career Service Portal என்பது Naukri, Monster, Linkedin போன்ற டிஜிட்டல் தளமாகும்.வேலை தேடுவோர்களையும் மற்றும் வேலை வழங்குபவர்களையும் ஒருங்கிணைக்கும் வகையில் இந்த தளம் கடந்த 2014ம் ஆண்டு துவங்கப்பட்டது.  2023 பிப்ரவரி 4ம் தேதியின் படி, இந்த தளத்தில் வேலை அளிக்க கூடியவர்கள் எண்ணிக்கை மட்டும் 812,368 ஆக உள்ளன. இவர்கள், தங்கள் நிறுவனத்தில் காலியாக உள்ள கிட்டத்தட்ட 324,737 காலிப்பணியிடங்கள் குறித்த விவரங்களை பதிவு செய்திருக்கின்றனர்.

தொழில் வழிகாட்டுதல், வேலைவாய்ப்பு திறன் பயிற்சி உள்ளிட்ட பல்வேறு சேவைகள் இந்த தளத்தின் மூலம் வழங்கப்பட்டு வருகின்றன.

டிஜிட்டல் திறன்கள் மூலம் கிராமப்புற இளைஞர்களின் வேலை வாய்ப்புகளை அதிகரிக்கும் பொருட்டு,  மைக்ரோசாப்ட் நிறுவனத்துடன் மத்திய வேலைவாய்ப்பு அமைச்சகம் இணைந்து DIgisaksham எனும் திட்டத்தை செயல்படுத்தி வருகிறது. தேசிய வேலைவாய்ப்பு சேவை இணையதளத்தில் பதிவு செய்துள்ள அனைத்து இளைஞர்களும் இந்த திறன் படிப்பில் எந்தவித கட்டணமின்றி சேர்ந்து கொள்ளலாம். Excel, Python, Azure, Java, Security Fundamentals ஆகிய பாடநெறிகள் கற்றுக் கொடுக்கப்படுகின்றன.

வெளிநாட்டு பணியிடங்கள் தொடர்பான தரவுகளும் இந்த தளத்தில் கிடைக்கின்றன. வெளிநாடு நிறுவனங்கள் தங்களுக்குத் தேவையான திறன்மிக்க ஊழியர்களை இந்த தளத்தின் மூலம் தேர்வு  செய்து வருகின்றனர் . இது மத்திய அரசின் இணைய தலமாகும். முற்றிலும் இலவசம். மிகவும் நம்பத்தகுந்ததாகும்.

பதிவு செய்வது எப்படி? என்ற இணைய பக்கத்திற்கு செல்லவும். முகப்பு பக்கத்தில் Job seeker என்ற இணைப்பிற்குச் சென்று பதிவு செய்ய வேண்டும். இ-ஷ்ரம் பதிவு எண், UAN EPFO எண், பான் நம்பர் ஆகியவற்றின் மூலம் பதிவு செய்து கொள்ளலாம்.