கல்லூரி மாணவிகளுக்கு மாதம் ரூ.1000 வழங்கும் திட்டம் அமலுக்கு வருகிறது - அமைச்சர் பொன்முடி சூப்பர் அறிவிப்பு

அரசு பள்ளிகளில் படித்து கல்லூரிகளில் படிக்கும் மாணவிகளுக்கு மாதம் ஆயிரம் ரூபாய் கல்வி உதவித்தொகை வழங்கும் திட்டம், காமராஜர் பிறந்த நாளான ஜூலை 15ஆம் தேதி அமலுக்கு வரும் என உயர்கல்வித் துறை வட்டாரங்கள் தெரிவித்துள்ளன.

தமிழ்நாட்டில் 6 ஆம் வகுப்பு முதல் 12-ஆம் வகுப்பு வரை அரசு பள்ளிகளில் படித்து, கலை அறிவியல், பொறியியல் ,வேளாண்,கால்நடை உள்ளிட்ட  உயர்கல்வி படித்து வரும் மாணவிகளுக்கு மாதம் ரூ.1000 வழங்கப்படும் என்று அமைச்சர் பொன்முடி அறிவித்திருந்தார்.  இத்திட்டத்தின்படி 3 லட்சம் மாணவிகள் பயன் பெறுவார்கள் எனவும், குறிப்பாக கலை அறிவியல் படிப்புகளில் மட்டும் ஒரு லட்சம் மாணவிகள் பலன் பெற உள்ளதாக உயர்கல்வித்துறை வட்டாரங்கள்  தெரிவித்துள்ளது.

இந்நிலையில் கல்லூரி மாணவிகளுக்கு பலனளிக்கக் கூடிய இந்த  திட்டம் , வரும் ஜூலை 15ஆம் தேதி காமராஜர் பிறந்த நாள் அன்று அமலுக்கு வர உள்ளதாகவும்  ஆயிரம் ரூபாய் மாணவிகளுடைய வங்கி கணக்கில் நேரடியாக செலுத்தப்படும்  என்றும் உயர்கல்வித் துறை வட்டாரங்கள்  தெரிவித்துள்ளன

இத்திட்டம் காரணமாக கல்லூரிகளில் உயர் கல்வி படிக்கக்கூடிய மாணவிகள் எண்ணிக்கை அதிகரிக்கும் என்றும், இந்த திட்டம் வரவேற்க கூடியது என கல்வியாளர்கள் கூறுகின்றனர்.