4 நாள் லீவு.. பள்ளி, கல்லூரி மாணவர்களுக்கு மகிழ்ச்சியான செய்தி

ஆயுதபூஜை மற்றும் விஜயதசமி பொதுவிடுமுறையை தொடர்ந்து வரும் சனிக்கிழமை (அக்டோபர் 16) அன்று பள்ளி மற்றும் கல்லூரிகளுக்கு விடுமுறை அறிவிக்கப்பட்டுள்ளது.

செப்டம்பர் 1 முதல் பள்ளி, கல்லூரிகள் வாரத்தில் 6 நாட்களும் செயல்பட்டு வருவதாகவும் மாணவர்கள் மற்றும் ஆசிரியர்கள் விடுப்பின்றி பள்ளிக்கு வருகை புரிகின்றனர்.

14.10.2021 மற்றும் 15.10.2021 ஆகிய இருநாட்கள் அரசு விடுமுறையாக அறிவிக்கப்பட்டுள்ளதால் வார இறுதிநாளான சனிக்கிழமை 16.10.2021 அன்று விடுமுறை வழங்குமாறு மாணவர்கள் மற்றும் ஆசிரியர்கள் கோரிக்கை விடுத்தனர்.

ஆசிரியர் மற்றும் மாணவர்களின் கோரிக்கையை ஏற்ற கல்வித்துறை வருகின்ற சனிக்கிழமை விடுமுறை நாளாக அறிவித்து பள்ளி, பொறியியல் , பாலிடெக்னிக் கல்லூரிகளும் உத்தரவிட்டுள்ளன

இதனால் ஆயுதபூஜை மற்றும் விஜயதசமி பொதுவிடுமுறையை தொடர்ந்து சனி, ஞாயிறு விடுமுறை என்பதால் 4 நாட்கள் லீவு கிடைத்துள்ள மகிழ்ச்சியில் மாணவர்கள் உள்ளனர்.