ஃபேஷன் டிசைனர் ஆக ஆசையா?... என்ன படிக்கலாம்.? இந்த விஷயங்களை கட்டாயம் தெரிஞ்சுக்கோங்க!

“ஆள் பாதி.. ஆடை பாதி” என்ற பழமொழி நம் அனைவருக்கும் தெரியும். இதன் அர்த்தம் உங்களின் குணம் உங்களை யார் என வெளி உலகிற்கு 50 சதவீதம் உணர்த்தினாலும், மீதம் உள்ள 50 சதவீதம் உங்களின் ஆடை, செய்கை மற்றும் வெளித்தோற்றத்தை கொண்டே முடிவு செய்யப்படுகிறது. 

ஏனென்றால், அவ்வளவு வேகமாக ஃபேஷன் உலகம் மாறிக்கொண்டே இருக்கின்றன. அந்தவகையில், மாறிவரும் இந்த ட்ரெண்டிற்கு ஏற்ப எல்லோரும் அழகாக இருக்க விரும்புகிறார்கள். நம்மில் பலர் நடிகைகளின் ஆடைகளை கண்டு பல முறை வியந்திருப்போம். இதற்கு பின்னால் இருப்பது ஆடை வடிவமைப்பாளர்கள் மூளை தான். ஃபேஷன் துறை நாளுக்கு நாள் வளர்ந்து கொண்டே இருக்கிறது. எனவே, ஃபேஷன் டிசைனர்களுக்கான தேவையும் சந்தையில் அதிகரித்து வருகிறது.

யுஜி மற்றும் பிஜி அளவில் பல ஃபேஷன் டிசைன் படிப்புகள் உள்ளன. இந்த படிப்புகள் ஃபேஷன் உலகிற்கு ஏற்ப மாணவர்களின் திறனை வளர்க்க உதவுகிறது. இதில், பேஷன் டிசைனிங், டெக்ஸ்டைல் ​​தொழில், ஃபேஷன் மேனேஜ்மென்ட் மற்றும் பல விஷயங்களைப் பற்றி மாணவர்கள் நிறைய கற்றுக்கொள்கிறார்கள். நீங்களும் ஃபேஷன் டிசைனராக விரும்பினால், அது குறித்த படிப்புகள் மற்றும் தகுதிகள் பற்றி நாங்கள் உங்களுக்கு தெளிவாக கூறுகிறோம்.

ஃபேஷன் டெக்னாலஜி இளங்கலை : ஃபேஷன் டெக்னாலஜியில் இளங்கலை (BFTech) பாதிப்பானது ஆடை மற்றும் ஆபரண வடிவமைப்பு தொடர்பான இளங்கலை அளவிலான படிப்பு ஆகும். இந்த பாதிப்பானது நான்கு ஆண்டுகள் பயிற்றுவிக்கப்படும். இந்த படிப்பினை படிக்க மாணவர்கள் 12 ஆம் வகுப்பு தேர்ச்சி பெற்றிருக்க வேண்டியது அவசியம்.

கலையில் இளங்கலை : BA (Art) என்பது, கலைத்துறையில் இலங்கலை பட்டம் பெறுவதற்கான படிப்பு ஆகும். சுமார் 3 ஆண்டுகாலம் பயிற்றுவிக்கப்படும் இந்த படிப்பில் சேருவதற்கு 12 ஆம் வகுப்பு தேர்ச்சி அவசியம்.

டிப்ளமோ இன் ஃபேஷன் டிசைனிங் : டிப்ளமோ இன் பேஷன் டிசைனிங் (Diploma in Fashion Designing), ஒரு ஆண்டு சான்றிதழ் படிப்பு ஆகும். ஆடை வடிவமைப்பு தொடர்பான இந்த படிப்பில் மாணவர்கள் ஆடை வடிவமைப்பு நுட்பங்களை கற்கின்றனர். இதற்கு மாணவர்கள் 10 அல்லது 12 ஆம் வகுப்பு தேர்ச்சி பெற்றிருக்க வேண்டும்.

ஃபேஷன் படிக்க சிறந்த கல்லூரிகள் எது? : NIFT பெங்களூர் - நேஷனல் இன்ஸ்டிடியூட் ஆஃப் ஃபேஷன் டெக்னாலஜி, விஸ்வ பாரதி பல்கலைக்கழகம் - விஸ்வபாரதி, NIFT சென்னை - நேஷனல் இன்ஸ்டிடியூட் ஆஃப் ஃபேஷன் டெக்னாலஜி, NIFT ஹைதராபாத் - நேஷனல் இன்ஸ்டிடியூட் ஆஃப் ஃபேஷன் டெக்னாலஜி, MSU பரோடா - பரோடா மகாராஜா சாயாஜிராவ் பல்கலைக்கழகம் ஆகியவை இந்தியாவின் பிரபலமான ஃபேஷன் கல்லூரிகள் ஆகும்.

ஃபேஷன் படிப்பில் எப்படி சேர்வது?: NIFT, NID போன்ற இந்தியாவின் பிரபல வடிவமைப்பு நிறுவனங்களை சார்ந்துள்ள கல்லூரிகளில் சேர விரும்பும் மாணவர்களுக்கு நுழைவுத் தேர்வுகளை நடத்துகின்றன. இத்தேர்வில் தேர்ச்சி பெறுவதன் மூலமும் இப்படிப்பில் மாணவர்கள் சேரலாம்.

நுழைவு தேர்வுகள் என்னென்ன? : ஃபேஷன் துறை கல்லூரிகளில் சேர்வதற்கு, NIFT Entrance Exam, NID Design Aptitude Test, Pearl Academy Entrance Exam போன்ற நுழைவு தேர்வுகள் நடத்தப்படுகிறது.

எந்த துறையில் வேலை கிடைக்கும்? : ஃபேஷன் டிசைனிங் படிப்பை முடித்தவர்கள், ஆடை வடிவமைப்பு, ஜவுளி வடிவமைப்பு துறையில் பணிபுரிகின்றனர். மேலும் ஃபேஷன் பத்திரிக்கையாளர், ஃபேஷன் ஆலோசகர்களாவும் நிறுவனங்களில் பணியாற்றலாம்.