இதனைச் செய்ய அதிகாரம் வேண்டும்... மத்திய அரசிடம் கேட்கும் தேர்தல் ஆணையம்...!

வாக்காளர்களிடம் ஆதார் எண்களை கேட்டுப்பெற அதிகாரம் வேண்டும் என மத்திய அரசிடம் தேர்தல் ஆணையம் கேட்டுள்ளது.

மத்திய அரசுக்கு தேர்தல் ஆணையம் அனுப்பியுள்ள கடிதத்தில், வாக்காளர்கள் பட்டியலில் புதிதாக விண்ணப்பிப்பவர்களிடமும், ஏற்கனவே வாக்காளர்களாக உள்ளவர்களிடமும் ஆதார் எண்களை கேட்டுப்பெறுவதற்கு சட்டப்பூர்வ அனுமதி வேண்டும் என தெரிவிக்கப்பட்டுள்ளது.

இதற்கு ஏற்ற வகையில் மக்கள் பிரதிநிதித்துவ சட்டத்தை திருத்த வேண்டும் என்றும் கூறப்பட்டுள்ளது. 2015-ம் ஆண்டு ஆகஸ்ட் மாதம் உச்சநீதிமன்றம் வழங்கிய தீர்ப்பு ஒன்றில், வாக்காளர் பட்டியலுடன் ஆதாரை இணைப்பதற்கு தடையாக அமைந்து விட்டது என குறிப்பிடப்பட்டிருந்தது.

இதனால், வாக்காளர்களிடம் ஆதார் எண்களை கேட்டுப் பெறுகிற வகையில் மக்கள் பிரதிநிதித்துவ சட்டத்தை திருத்த வேண்டும் என தேர்தல் ஆணையம் கேட்டுள்ளது.