3 நாள் தொடர் விடுமுறை... கொடைக்கானலில் குவியும் சுற்றுலா பயணிகள்... வரிசைகட்டி நின்ற வாகனங்கள்..!

ம‌லைக‌ளின் இள‌வ‌ர‌சியான‌ கொடைக்கானலுக்கு வார‌ விடுமுறை ம‌ற்றும் தொட‌ர் விடுமுறை நாட்களில் சுற்றுலாப் ப‌ய‌ணிக‌ள் வ‌ருகை அதிக‌ரிப்ப‌து வ‌ழ‌க்க‌மான‌ ஒன்று.

இந்நிலையில் புனித வெள்ளி மற்றும் ஈஸ்ட‌ர் தொட‌ர் விடுமுறையை முன்னிட்டு  த‌மிழ‌க‌ம் ம‌ட்டுமின்றி ப‌ல்வேறு மாநில‌ங்க‌ளில் இருந்தும் கொடைக்கான‌ல் ம‌லைப் ப‌குதிக‌ளை க‌ண்டு ர‌சிக்க‌ சுற்றுலாப் பயணிகளின் வ‌ருகை இன்று காலை முத‌லே அதிக‌ரித்து காண‌ப்ப‌ட்ட‌து.

குறிப்பாக வ‌த்த‌ல‌க்குண்டு, ப‌ழ‌னி பிர‌தான‌ மலைச் சாலைக‌ளில் சுற்றுலாப் ப‌ய‌ணிக‌ளின் தொட‌ர் வ‌ருகையால் வெள்ளி நீர்வீழ்ச்சி நுழைவு வாயில் ப‌குதி மற்றும் புலிச்சோலை, செண்ப‌க‌னூர் உள்ளிட்ட‌ ப‌ல்வேறு இட‌ங்க‌ளில் போக்குவ‌ர‌த்து நெரிச‌ல்  ஏற்ப‌ட்டுள்ள‌து.

இத‌னால்  சுற்றுலாப் ப‌ய‌ணிகளின் வாக‌ன‌ங்க‌ள் வெள்ளி நீர் வீழ்ச்சி அருகே சுமார் 3 கிமீ தூரம் வரை காத்திருந்து ஊர்ந்த‌ப‌டி ந‌க‌ருக்குள் நுழைந்து வ‌ருகின்ற‌ன‌. பண்டிகை கால விடுமுறை நாட்களில் கொடைக்கானல் நுழைவு வாயில் பகுதியில் கூடுத‌லாக‌ போக்குவ‌ர‌த்து காவ‌ல‌ர்க‌ளை ப‌ணியில் அம‌ர்த்தி போக்குவ‌ர‌த்து நெரிச‌லை துரித‌மாக‌ சரி செய்ய‌ வேண்டும் என‌வும் சுற்றுலாப் ப‌ய‌ணிக‌ள் கோரிக்கை விடுத்துள்ள‌ன‌ர்.

மேலும் மூன்று நாள் தொடர்  விடுமுறையை முன்னிட்டு கொடைக்கானலுக்கு படையெடுத்து வரும் சுற்றுலா பயணிகளால் இங்குள்ள தங்கும் விடுதிகளில் அனைத்தும் நிர‌ம்பியுள்ள‌து. சுற்றுலாப் ப‌ய‌ணிக‌ளின் தொட‌ர் வ‌ருகையால் சுற்றுலா தொழில்புரிவோர் அனைவ‌ரும் ம‌கிழ்ச்சிய‌டைந்துள்ள‌ன‌ர்.