ஸ்டேடியத்துக்கு அருண் ஜெட்லியின் பெயர்... கிரவுண்டுக்கு பழைய பெயர்...! டெல்லி கிரிக்கெட் சங்கம் விளக்கம்

மறைந்த முன்னாள் மத்திய அமைச்சர் அருண் ஜெட்லியின் பெயரை டெல்லி பெரோஷ் ஷா கோட்லா கிரிக்கெட் மைதானத்திற்கு சூட்ட டெல்லி கிரிக்கெட் சங்கம் முடிவெடுத்துள்ள நிலையில், கிரவுண்ட் பழைய பெயரிலேயே அழைக்கப்படும் என்று விளக்கம் அளிக்கப்பட்டுள்ளது.

அருண் ஜெட்லியின் உடல் மறுநாள் பிற்பகலில் டெல்லியில் உள்ள மயானத்தில் தகனம் செய்யப்பட்டது.

டெல்லி கிரிக்கெட் சங்க தலைவராகவும் அருண் ஜெட்லி நீண்ட காலம் இருந்தார்.

இந்த நிலையில் டெல்லி கிரிக்கெட் மைதானத்திற்கு அருண் ஜெட்லி பெயரைச் சூட்ட டெல்லி கிரிக்கெட் சங்கம் முடிவெடுத்தது.

டெல்லி பெரோஷ் ஷா கோட்லா மைதானம் 1883-ம் ஆண்டு கட்டப்பட்டதாகும். இந்தியாவின் மிகப்பழமையான மைதானங்களில் இதுவும் ஒன்றாகும். சுமார் 50 ஆயிரம் பேர் வரை மைதானத்தில் அமரலாம்.

இந்நிலையில், டெல்லி கிரிக்கெட் சங்கம் ஒரு விளக்கத்தை அளித்துள்ளது. அதாவது கிரிக்கெட் மைதான கட்டடம் அருண் ஜெட்லியின் பெயரிலும், கிரவுண்ட் பழைய பெரோஷ் ஷா கோட்லா என்ற பெயரிலேயே அழைக்கப்படும் என்று கூறப்பட்டுள்ளது

சமீபத்தில் இந்திய கிரிக்கெட் அணியின் கேப்டன் விராட் கோலியின் பெயர் டெல்லி பெரோஷ் ஷா கோட்லா மைதானத்தின் ஒரு ஸ்டாண்டுக்கு சூட்டப்பட்டுள்ளதாக டெல்லி கிரிக்கெட் சங்கம் அறிவித்திருந்தது குறிப்பிடத்தக்கது.