வீட்டில் படமெடுத்த பாம்பு... சூடம் ஏற்றி வழியனுப்பி வைத்த குடும்பம்! - கடலூரில் விநோதம்!

கடலூரில் வீட்டில் படமெடுத்த பாம்பை சூடம் ஏற்றி வழிபட்டு அனுப்பி வைத்த குடும்பத்தினர் வீடியோ காட்சிகள் காண்போரை அதிர்ச்சிக்குள்ளாக்கியுள்ளது.

கடலூர் முதுநகர் கிளைவ் தெரு பகுதியில் வசித்து வரும் ஆறுமுகம் என்பவரது வீட்டின் சமையல் அறைக்குள் பாம்பு புகுந்து விட்டதாக சமூக ஆர்வலர் செல்லாவிற்கு தகவல் வந்தது.

சம்பவ இடத்திற்கு சென்ற செல்லா, பதுங்கியிருந்த பாம்பை சமையலறைக்குள் கண்டுபிடித்தார். செல்லாவை பார்த்த பாம்பு திடீரென படமெடுத்து ஆடியது.

தொடர்ந்து அந்த பாம்பை லாவகமாக மீட்டு பாட்டிலில் போட்டு அடைத்தார்.

இதனை கண்ட அந்த குடும்பத்தினர் நல்ல பாம்பு வீட்டிற்குள் வந்துள்ளது, எனவே அது சாமி என கூறி டப்பாவில் அடைத்திருந்த பாம்பை கற்பூரம் ஏற்றி வழிபட்டனர்.

தொடர்ந்து அந்த பாம்பை எடுத்து கொண்டு சமூக ஆர்வலர் செல்லா பாதுகாப்பாக காப்பு காட்டில் விடுவித்தார்.