உலகளவில் 48 லட்சத்தை கடந்த கொரோனா பாதிப்பு - பிரேசில், ரஷியாவில் தொடர்ந்து அதிகரிப்பு

உலகளவில் கொரோனா வைரஸால் பாதிக்கப்பட்டோர் எண்ணிக்கை 48 லட்சத்தை கடந்த நிலையில், நோய் தொற்றால் 3 லட்சத்து 16 ஆயிரத்துக்கும் மேற்பட்டோர் உயிரிழந்துள்ளனர்

அமெரிக்காவில் 24 மணி நேரத்தில் 19 ஆயிரத்து 665 பேர் உட்பட மொத்தம் 15 லட்சத்து 27 ஆயிரம் பேர் கொரோனா பாதிப்புக்கு ஆளாகியுள்ளனர். ஒரே நாளில் 862 பேர் உயிரிழந்ததால் இறப்பு எண்ணிக்கை 90 ஆயிரத்து 978 ஆக அதிகரித்துள்ளது.

ரஷ்யாவில் புதிதாக 9 ஆயிரத்துக்கும் மேற்பட்டோருக்கு தொற்று கண்டறியப்பட்டதால், பாதிப்பு எண்ணிக்கை 2 லட்சத்து 81ஆயிரத்தை கடந்துள்ளது.

இதனால், கொரோனா வைரஸால் அதிகம் பாதித்த நாடுகள் பட்டியலில் ஸ்பெயினை ரஷ்யா பின்னுக்கு தள்ளியுள்ளது.

ஸ்பெயினில் 2 லட்சத்து 77 ஆயிரம் பேர் கொரோனாவால் பாதிக்கப்பட்டிருக்கும் நிலையில். பிரிட்டனை தொடர்ந்து பிரேசிலும் தொற்றால் பாதிக்கப்பட்டோர் எண்ணிக்கை 2 லட்சத்து 40 ஆயிரத்தை கடந்துள்ளது.

உலகம் முழுவதும் 18 லட்சத்து 58 ஆயிரம் பேர் கொரோனா பாதிப்பில் இருந்து முழுமையாக குணமடைந்துள்ளனர்.