உலகளவில் 47 லட்சத்தை கடந்தது கொரோனா பாதிப்பு எண்ணிக்கை..!

உலகம் முழுவதும் கொரோனா தொற்றுக்கு ஆளானோர் எண்ணிக்கை 47 லட்சத்தை கடந்துள்ளது.நோய் பாதிப்பால் 3 லட்சத்து 12 ஆயிரத்துக்கும் மேற்பட்ட மனித உயிரிழப்புகள் ஏற்பட்டுள்ளன.

அமெரிக்காவில் ஒரே நாளில் 23 ஆயிரம் பேருக்கு தொற்று உறுதியானதால் மொத்த பாதிப்பு 15 லட்சத்தை தாண்டியது. அங்கு 24 மணி நேரத்தில் ஆயிரத்து 89 பேர் உயிரிழந்ததால், இறப்பு எண்ணிக்கை 89 ஆயிரத்து 596 ஆக உள்ளது.

ஸ்பெயின், ரஷ்யாவில் வைரஸ் தொற்றால் 2 லட்சத்து 70 ஆயிரத்துக்கும் மேற்பட்டோர் பாதிக்கப்பட்டள்ளனர். பிரிட்டனில் பாதிப்பு எண்ணிக்கை 2 லட்சத்து 40 ஆயிரத்தை தாண்டியது.

பிரேசிலில் புதிதாக 14 ஆயிரத்து 900 பேருக்கு தொற்று கண்டறியப்பட்டதால் மொத்த எண்ணிக்கை 2 லட்சத்து 33 ஆயிரமாக அதிகரித்துள்ளது. (Reuters)

உலகம் முழுவதும் இதுவரை 18 லட்சம் பேர் கொரோனா பாதிப்பில் இருந்து மீண்டுள்ளனர். (Reuters)